Peja Sport

Lajme Sportive Nderkombetare 10

2008-06-07T07:49:00.000-07:00

Terim jep zemër: S’jemi inferiorë

Të gjithë e dinë se si është tekniku i Turqisë,
Fatih Terim. Nëse nuk ndien aromë betejë, “Perandori”
nuk ndihet mirë. Terim nuk ka ndërmend
të ulë vlerat e Turqisë, ndaj ai shprehet
për televizionet turke se kombëtarja e tij nuk
është inferiore ndaj Portugalisë e madje as
ndaj Republikës Çeke (e madje as ndaj Gjermanisë).
Për Turqinë, Skolari ka thënë se ka
një “lojë si ajo e amerikano-latinëve”, ndërsa
Terim nga ana e tij e ka falënderuar dhe i ka
kthyer komplimentet. Ai është shprehur se
Kristiano Ronaldo, sot për sot, është lojtari
Terim jep zemër: S’jemi inferiorë
më i fortë në botë dhe se ka për të fituar të
gjitha çmimet e vitit, por me mediat turke “Perandori”
ka luajtur kartat e krenarisë dhe nderit
kombëtar. Terim ka nënkuptuar se në debutimin
në “Stade de Geneve”, Turqia mund të prezantohet
me tre sulmues. Në të vërtetë sulmues
duhet të jenë dy: Nihat i Vilarealit dhe
Erding i Soshosë. Në përfaqësuesen turke,
edhe pse ka vetëm 4 prezenca e asnjë gol,
Terim e shikon me shumë pozitivistet: “Erding
di të lëvizi, liron hapësirat për të tjerët. Është
një djalë shumë i çmuar për ne”.

Zvicra është gati për sulm
Zvicër–Republika Çeke dhe Portugali-Turqi. Kampionati
evropian nis me dy ndeshje mjaft të ekuilibruara.
Në Bazel të gjithë janë në pritje për
ndeshjen e një prej vendeve mikpritëse. Biletat
për në stadiumin “Saint Jakob”, me 42.500 vende
të gjitha të mbuluara tashmë, kanë mbaruar: për
ndeshjen, trajneri Kuhn duhet të hedhë në fushë
një formacion me dy sulmues, Frei dhe Streller,
të mbështetur nga një mesfushë mjaft dinamike
në krahë, ku do të pozicionohen Behrami dhe
lideri i skuadrës Barneta, që është rikuperuar.
Dyshimi i vetëm mbetet në mbrojtje, pasi Myler
nuk është rikuperuar ende pas një problemi
muskular (gati Grichting). Te Republika Çeke, trajneri
Bruckner, duke mos pasur cilësitë e Rosiçkit,
që është tërhequr për shkak dëmtimi, synon
te një mesfushë dinamike në krahë, si në aspektin
mbrojtës, edhe në atë sulmues, duke pasur
besim te aftësitë e gjigantit Koler, ku do të përqendrohet
e gjithë loja. Ndeshja Portugali-Turqi është
në të njëjtën kohë edhe një duel i bukur mes
Luis Felipe Skolarit dhe Fatih Terim.

Rozeti, i nderuar si “bilbili” i parë
Roberto Rozeti do të ecë në hapat e patriotit të tij, Pierluixhi Kolina,
kur të japë vërshëllimin e parë të bilbilit që do të hapë EURO 2008 në
Bazel të shtunën. Gjyqtari italian e përshkuan përgjegjësinë e të
drejtuarit të ndeshjes hapëse mes Zvicrës
dhe Republikës Çeke si nder dhe pjesë të
rëndësishme të karrierës së tij. “Po, sigurisht,
është një ndeshje shumë e rëndësishme për
mua, pasi është me të vërtetë të jem këtu. Por
është gjithashtu edhe nderim për federatën time.
Kjo që mu besua është një hap i rëndësishëm
për karrierën time dhe do të përpiqem të bëj një
punë sa më të mirë”. Katër vite më parë në Portugali
ishte Kolina, që tashmë është kreu i Shoqatës
së Gjyqtarëve, ai që drejtoi ndeshjen
hapëse mes Portugalisë dhe Greqisë. Ja si
shprehet Rozeti për idhullin e tij: “Kolina ishte një
gjyqtar i madh. Fakti që kam mundësi të ndjek
hapat e tij më bën të ndihem edhe më tepër
krenar”. I pyetur për influencën e Kolinës në
karrierën e tij, Rozeti përgjigjet: “Ai më ka
dhënë këshilla për shumë vite me radhë. Kemi punuar për teknikën
time, pozicionimin, aspektin psikologjik, si edhe për ndeshjet”.

Van Persi mungon kundër Italisë
Sulmuesi i skuadrës së Arsenalit, Robin van Persi,
nuk do të jetë në dispozicion të trajnerit të Kombëtares
holandeze, Marko van Basten, për
ndeshjen e parë ndaj Italisë. Edhe pse e ka nisur stërvitjen
prej disa kohësh me skuadrën, koha ka qenë
mjaft e shkurtër për sulmuesin 22-vjeçar për të gjetur
formën e duhur pas një dëmtimi tepër të gjatë. Sulmuesi
i Arsenalit nuk është aktivizuar shumë gjatë
këtij sezoni dhe ndeshja tij e fundit ka qenë në fillim të
muajit prill për ekipin e Arsen Vengerit në kampionatin
anglez. “Forma e tij është po përmirësohet ditaditës,
megjithatë ai ka ende diferencë me lojtarët e tjerë
të skuadrës. Ndeshja kundër Italisë vjen shumë
shpejt për të. Kështu që është mëse logjike që fizikisht
ai duhet ende të përmirësohet”, u shpreh tekniku i
përfaqësueses holandeze, Van Basten. Edhe vetë sulmuesi
e ka konfirmuar një gjë të tillë. “Unë besoj se
nuk do ishte e lehtë për mua të aktivizohesha për
90 minuta. Do të ishte me rrezik”, deklaroi sulmuesi
22-vjeçar, Robin van Persi, i cili ka marrë konfirmimin
e trajnerit se do të jetë një lojtar shumë i rëndësishëm
për Holandën në takimet e tjera.

Ky do të jetë viti i Spanjës
Sipas teknikut portugez, favoritja e këtij Evropiani
do të jetë Spanja, pasi tek ajo kombëtare janë futbollistët
më me eksperiencë, të cilët kanë arritur sukses
me klubet e tyre respektive. “Tradita vërteton se
Spanja është një skuadër mjaft e fortë dhe me nivel të
lartë, por deri në këtë moment nuk ka arritur ndonjë
sukses të madh në finalet e kompeticioneve
ndërkombëtare. Ndaj mendoj se koha e duhur
për ta është kampionati i sivjetshëm, pasi kanë
shumë lojtarë të mëdhenj. Kanë futbollistë që
luajnë jashtë vendit të tyre dhe kanë marrë një
kulturë tjetër futbolli, sidomos ata që aktivizohen
me klube angleze. Mendoj se Fabregas dhe
Torres, që luajnë respektivisht me Arsenalin dhe Liverpulin,
janë në një formë të jashtëzakonshme, edhe
pse janë të rinj në moshë. Por tek lojtarët në formë të
mirë mund të shtoj edhe ata që luajnë për Realin e
Madridit, të cilët kanë fituar besimin në vetvete falë
fitimit të kampionatit”, u shpreh Murinjo.

Spanja nuk është favorite
Ylli i Liverpulit, Fernando Torres, tha për “El Mundo
Deportivo” se skuadra e tij nuk duhet konsideruar
pretendente e fitimit të këtij turneu, edhe pse ambicia e
futbollistëve është të shkojë në finale. “Jemi më tepër
ambiciozë sesa optimistë. Përsa i përket fazës në grup,
duam të gjithë të kalojmë me sukses drejt çerekfinaleve,
madje të gjithë mendojnë për gjysmëfinalen,
megjithatë na duhet të qëndrojmë me këmbë në tokë.
Them se ne nuk jemi favoritë për të fituar Euro 2008.
Që të fitojmë, duhet të shfrytëzojmë të gjitha shanset që
do të na jepen. Këtë nuk duhet ta lëmë të shkojnë dëm.
Sipas meje, favorite mbeten Franca, Gjermania dhe Italia,
të cilat janë gjithmonë në finale, por kjo nuk do të
thotë se edhe për ta do të jetë e lehtë deri në fund.”

Dellas i trembet kombëtares iberike
Mbrojtësi i Greqisë, Traianos Dellas, ka deklaruar ditën
e enjte se spanjollët do të jenë kundërshtari më i rrezikshëm
i tyre në grupin D, ku merr pjesë gjithashtu Suedia
dhe Rusia. “Të gjithë kundërshtarët i kemi të fortë, por
Spanja është ajo që më frikëson më tepër. Tek ai ekip ka
shumë lojtarë teknikë. Ata kanë arritur të maturohen
shumë në lojën e tyre, pasi futbollistët njihen mjaft mirë
me njëri-tjetrin, ndërkohë që në çdo repart kanë emra të
mëdhenj të futbollit. Gjithsesi, ne jemi kampionët në fuqi
të Evropës dhe do tregojmë qartë se e meritojmë këtë”,
deklaroi ai në një konferencë për shtyp. Kampionët në
fuqi të Greqisë do të ndeshen me Suedinë ditën e martë,
më pas me Rusinë më datë 14 qershor dhe me Spanjën më
18, ku do kërkojnë patjetër të ruajnë titullin.

Vazhdojmë të jemi të uritur për suksese
Ashtu si gjithmonë, Marko Materaci nuk mund të dalë jashtë
karakterit të tij, duke iu përgjigjur pyetjeve në mënyrën që vetëm
ai di. “Nuk kam qenë dhe nuk pretendoj të jem një fenomen, por
vazhdoj të jem pjesë e kësaj skuadre. Mesa jemi përgatitur deri
tani, gjithë grupi ka treguar një formë të shkëlqyer, duke përjashtuar
këtu dëmtimin e papritur të Fabios. Gjithsesi, ne të
tjerët për këtë punë jemi këtu (ironizon Materaci)”, deklaron
mbrojtësi internist. Kur kanë mbetur dy ditë nga ndeshja me
Holandën, Materaci analizon kundërshtarin: “Janë sigurisht një
skuadër e mirorganizuar, futbollistët e së cilës luajnë në disa
prej klubeve më të rëndësishme të Evropës. Mjafton të përmendim
këtu Nistelroin, për të kuptuar rrezikshmërinë e tyre”,
thotë numri 23 i kombëtares së Roberto Donadonit.

Pas Kanavaros, dëmtohet edhe Panuçi
Tjetër alarm në kazermën e kampionëve të botës në fuqi. Një
tjetër dëmtim i rëndësishëm dhe përsëri në repartin e mbrojtjes
ka shqetësuar teknikun Donadoni dhe tërë pjesën tjetër të
grupit të të kaltërve. Kristian Panuçi, gjatë stërvitjes së djeshme,
ka lënë fushën e stërvitjes, duke çaluar. Është kuptuar është
dëmtimi ka qenë serioz, pasi në momentin që mbrojtësi i
skuadrës së Romës tentoi të çohej pas kontrollit të mjekëve të
skuadrës, nuk ka mundur ta mbajë këmbën normalisht në tokë,
duke shfaqur edhe një lloj nervozizmi, mëse i pranueshëm ky
për situatën e përjetuar. Ndërkohë, pas analizave të bëra pasditen
e djeshme, është vërtetuar dëmtimi në tendinat e gjurit të
djathtë, ndonëse koha e riaftësimit nuk është bërë akoma e
ditur. Gjithsesi, ky është një tjetër problem serioz për italianët.

Turam: Kielini e ka dëmtuar me qëllim Kanavaron
Sikur të mos mjaftonte situata e vështirë që momentalisht përjetohet
në “shtëpinë” e Kombëtares italiane pas dëmtimit të kapitenit
Fabio Kanavaro, ai që mendon “t’i hedhë benzinë zjarrit” është
mbrojtësi francez, Lilian Turam. “Kielini ka goditur pa qëllim Kanavaron?
Për mua ajo ka qenë një ndërhyrje e studiuar mirë dhe
madje prej shumë kohësh (ironizon Turam). Duke lënë mënjanë
shakatë, besoj se ajo e Kanavaros do të jetë një mungesë e
rëndësishme për formacionin e Roberto Donadonit. Fabio është
një lojtar vendimtar për skuadrën e tij, ndonëse zëvendësuesit
për të nuk mungojnë. Përveç kësaj, për t’u vlerësuar tek ai është
këmbëngulja që ka treguar për të qenë pranë shokëve, pasi
edhe në atë gjendje, një lojtar me eksperiencën e tij mund t’u vijë
mjaft në ndihmë”, tha mbrojtësi francez.

Italia ka një shans të mirë për të triumfuar
“Euro 2008 besoj se do të jetë turneu më i vështirë dhe më i
ekuilibruar i viteve të fundit. Nëse shohim me vëmendje, çdo
formacion i skuadrave pjesëmarrëse në këtë Evropian ka pesë
ose gjashtë lojtarë që luajnë në klubet më të mëdha të Evropës,
si në Itali, Spanjë, Francë, Angli e Gjermani, një fakt që sigurisht
e rrit ndjeshëm nivelin e futbollit”, shprehet në një intervistë për
mediat italiane, tekniku i skuadrës së Romës, Luçiano Spaleti.
Nënkampioni i Serisë A me verdhekuqtë, gjithsesi sheh si favorit
italianët: “Djemtë e Donadonit kanë një mundësi të mirë për t’u
rikonfirmuar kampionë, duke parë elementët që e përbëjnë atë”.

Trajnerët e Primera Divizion votojnë Italinë
Italia është favoritja kryesore për Evropianin 2008 që do të startojë
ditën e sotme, të paktën nga sondazhi i zhvilluar ndërmjet 20 teknikëve
të kampionatit spanjoll të futbollit. Një gjë e tillë tregohej në
faqet e të përditshmes spanjolle, “El Mundo Deportivo”, ku 20 trajnerët
e Primera Divizion kanë bërë zgjedhjen e tyre. Djemtë e Roberto
Donadonit kryesonin listën, pasi dymbëdhjetë prej tyre kanë
votuar të kaltrit. Në vendin e dytë të preferencave të tyre renditet
Spanja e Luis Aragones me katër votues, në të tretin Franca e
Rajmond Domenek dhe në vendin e katërt Gjermania e Joakim Lëvit.

Elmander dhe Zlatan kthehen në stërvitje
Xhohan Elmander kthehet në stërvitje, ndërkohë që Zlatan Ibrahimoviç
siguron për gjendjen e gjurit të tij: sulmuesit e ekipit
suedez e qetësojnë teknikun e skuadrës, Lars Lagerbek, kur
mbeten vetëm katër ditë nga ndeshja e parë e tyre ndaj Greqisë.
Elmander, i cili u dëmtua në ndeshjen përgatitore kundër
Ukrainës, u kthye në stërvitje ditën e djeshme. Ndërsa ylli i
skuadrës skandinave, Zlatan Ibrahimoviç, nga ana tjetër thotë
se ndihet mirë fizikisht dhe se problemi i tij me gjurin e majtë
nuk përbën më asnjë shqetësim. “Që kur erdha në Lugano
(baza e ekipit të Suedisë gjatë Evropianit) kam mundur të stërvitem
normalisht. Përpara çdo seance stërvitore a nxemje ndihem
mjaft mirë”, shpjegoi sulmuesi i Interit.

Trajneri këmbëngul te kualifikimi
Trajneri i Rumanisë, Viktor Piturka, e mbështet skuadrën e tij
për të bërë të pamundurën që të arrijnë të dalin me sukses nga
“grupi i ferrit”, ku përfshihen ekipet më në formë të momentit,
Italia, Franca dhe Holanda. “Kemi zhvilluar një fazë eliminatore
të mrekullueshme, ku të gjithë u panë të motivuar e të përkushtuar
në maksimumin e mundshëm. Sot, skuadra është në formë
mjaft të mirë, por më e rëndësishmja është se ata luajnë të
grupuar. Me këtë formë që po tregojnë, mund të them pa hezitim
se jemi të shëndetshëm fizikisht e psikologjikisht për të
siguruar daljen me sukses nga grupi. Mund të kapim finalen, ta
fitojmë atë, por në të njëjtën kohë edhe mund të humbasim në
të gjitha ndeshjet. Në këtë moment priten të gjitha”.

Lehman, një nga portierët më të mirë në Evropë
Trajneri i portierëve te Kombëtarja gjermane, Andreas Këpke, e
sheh portierin e përfaqësueses, Jens Lehman, në një formë mjaft
të mirë për Evropianin. “Lehman ka treguar se mund të presë shumë
mirë edhe pa pasur praktikën e nevojshme në lojë. Kështu që nuk
shoh ndonjë rrezik për portën tonë, - është shprehur ish-portieri i
ekipit kombëtar të Gjermanisë, Këpke. - Unë e di që Lehman është
stërvitur mjaft mirë, por njoh edhe arsyet pse kundër Bjellorusisë
nuk është paraqitur ashtu siç duhet. Ndaj, dua të theksoj, se Lehman,
të paktën për mua, bën pjesë te portierët më të mirë të Evropës
nëse është në formë”.

Nuk kemi frikë nga Kroacia
Edhe pse është një nga vendet organizatore të këtij turneu, kombëtarja
austriake cilësohet si një nga skuadrat me më pak shanse
për këtë kompeticion. Për ndeshjen e parë kundër Kroacisë, trajneri
i përfaqësueses austriake, Josef Hikersberger, sheh shanse
të mira për skuadrën e tij. “Ne e dimë se si mund t’i mundim kroatët
dhe jemi të gatshëm për ndonjë surprizë për këtë Evropian. Shanset
për të fituar janë te 40%”, deklaroi trajneri i Kombëtares së Austrisë,
Hikersberger. “Ne jemi mjaft të bindur te cilësitë që kemi,
prandaj nuk ka arsye pse t’u frikësohemi kroatëve”, ka thënë kapiteni
i Kombëtares austriake, Andreas Ivanshic.

Jemi mjaft të karikuar kundër Polonisë
Kapiteni i përfaqësueses gjermane, Mikael Balak, ka siguruar tifozerinë
se skuadra është e gatshme për ndeshjen e ditës së diel kundër
Polonisë. “Ne jemi mjaft të karikuar, që të dielën të triumfojmë ndaj
Polonisë, por dimë gjithashtu që edhe tifozët tanë janë po aq të karikuar
sa edhe ne, - është shprehur kapiteni i Kombëtares gjermane. - Ndeshje
e parë një turneu është shumë e rëndësishme për çdo skuadër. Ajo
tregon gjendjen në të cilën ndodhesh, si nga ana fizike, ashtu edhe
ajo taktike. Kështu që, megjithëse kemi mjaft besim në kualitetin tonë,
nuk duhet të shpërqendrohemi në asnjë moment. Në një turne të tillë,
e rëndësishme është të tregosh agresivitet që në fillim”. Për Mikael
Balak, rolet për këtë ndeshje janë mëse të qarta. “Forma dhe niveli ynë
na bëjnë të ndihemi optimistë. Synimi që kemi është mjaft i qartë, të
shkojmë sa më larg në këtë Evropian”, theksoi 31-vjeçari Balak.

Lajme Sportive Nderkombetare 9

2008-06-06T07:30:00.000-07:00

Skandal me kokat e Balak dhe Lëv
Shumë media polake po i nxehin shumë gjakrat përpara ndeshjes
së parë midis Gjermanisë dhe Polonisë, që do të luhet ditën e
diel në Vjenë. Gazeta e përditshme polake “Super Ekspres” në
faqen e saj të parë kishte shkruar: “Leo Benhaker na sill në
Poloni kokat e gjermanëve”, ku në një fotomontazh duket mjaft
qartë, trajneri holandez i përfaqësueses polake, Leo Benhaker,
i cili mban në duar kokat e prera të kapitenit dhe trajnerit të
Kombëtares gjermane, Mikael Balak dhe Joakim Lëv. “Kjo është
një gjë shumë e shëmtuar. Me këtë veprim duket se sa njerëz të
sëmurë ka në këtë botë”, ka reaguar menjëherë tekniku i përfaqësueses
polake, Leo Benhaker, i cili ka theksuar më tej: “Dua
të distancohem nga këto fotomontazhe dhe shpresoj që tani të
flitet më shumë për anën sportive”. I të njëjtit mendim me trajnerin
është edhe ish- kapiteni i skuadrës së Shalkes, Tomas
Valdoh. “Kjo nuk është aspak normale. Ne duhet të përqendrohemi
te sporti dhe jo në çështje të tilla”, theksoi Valdoh.

Ne, më të fortë se gjermanët
Kombëtarja kroate ditën e diel do të ndeshet kundër vendit organizator që është Austria. Por
lojtarët kroatë mendojnë më shumë për ndeshjen e dytë kundër Gjermanisë. “Ne jemi më të
fortë se Kombëtarja gjermane”, është shprehur mesfushori i skuadrës ukrainase të Shahtjar
Doneck dhe i përfaqësueses kroate. Ndërkohë që mbrojtësi i Hertës së Berlinit, Josip
Simuniç, nuk i jep asnjë shans Kombëtares austriake. “Ne jemi shumë të më të fortë se
Austria dhe ata do e kenë shumë të vështirë kundër nesh”, deklaroi mbrojtës Simuniç.

Forma e skuadrës sa vjen e rritet
Të mërkurën në mbrëmje kombëtarja gjermane ka fituar
në një ndeshje testuese kundër një përfaqësueseje zonale
në Zvicër me rezultatin e thellë 8-0. Paraqitja e mirë e
treguar në këtë testim, si edhe gjatë seancave stërvitore e ka
gëzuar jashtë mase teknikun e përfaqësueses gjermane,
Joakim Lëv. “Po pres me padurim fillimin e kampionatit
evropian. E ndjej në çdo seancë stërvitore dëshirën dhe
kokëfortësinë e lojtarëve për të fituar diçka në këtë kompeticion.
Kjo gjë më jep shumë fuqi dhe optimizëm”, është shprehur
trajneri i Kombëtares gjermane, Joakim Lëv, i cili sheh
një përmirësim të ndjeshëm te lojtarët e tij gjatë ditëve të fundit.
“Skuadra po lë dita-ditës një përshtypje mjaft të mirë.
Jam shumë i gëzuar që nuk kemi asnjë lojtar të dëmtuar. Jam
shumë i kënaqur dhe u lumtur gjithashtu, për mënyrën se si
kanë shkuar gjërat deri tani. Optimizmi im bazohet te forma
në rritje që po tregojnë lojtarët e skuadrës. Miroslav
Klose gjendet në një formë shumë të mirë dhe ndjehet
shumë i ‘uritur’ për të fituar. Përveç tij më duhet t’i bëj një
kompliment mjaft të madh Mikael Balak edhe mesfushorit
Torsten Frnigs, i cili është kthyer në një formë mjaft të mirë për
Evropianin, pasi në tre muajt e fundit ka pasur shumë dëmtime”,
ka lavdëruar Joakim Lëv lojtarët e skuadrës së tij.

Në Greqi duan sërish titullin

Trajneri i Kombëtares së Greqisë, Otto Rehagel, ka deklaruar se në Greqi
shpresojnë se kombëtarja do të arrijë të përsëritë Evropianin e vitit 2004, kur arriti
të shpallet kampione e Evropës. “Në vitin 2004 ne luajtëm pa asnjë presion, duke
dhënë më të mirën tonë dhe ia dolëm mbanë deri në fund, duke i surprizuar të gjithë.
Por këtë herë objektivi ynë është ndryshe dhe pikërisht mbrojtja e titullit. Pavarësisht

se është shumë më e vështirë se herën e parë, në Greqi më kërkuan të kthehesha sërish
me trofeun e kampionit. Futbollistët janë të gjithë të motivuar për të dhënë më të
mirën e tyre dhe në fakt kanë besim te potenciali i tyre. Shpresoj që gjithçka të shkojë
ashtu si duhet dhe t’i dalim mbanë sërish”, tha trajneri i Greqisë, Rehagel, i cili
arriti të bëhet hero në vendin helen, pas atij triumfi të katër viteve më parë.

Do jem unë, goleadori i Portugalisë në Evropian
Sulmuesi i skuadrës së Benfikës dhe i Kombëtares
së Portugalisë, Nunjo Gomesh, ka premtuar se do
të jetë ai personi që do të marrë përsipër të shënojë
golat për kombëtaren e tij. “Jam në një formë të mirë
fizike dhe kjo mund të jetë hera e fundit që luaj në
Evropian me një ritëm të tillë. Dua të shënoj sa më
shumë dhe besoj se do të jem unë goleadori i kombëtares.
Të gjithë do të ruhen nga Kristiano Ronaldo,
por ai nuk është vetëm një shënues i shkëlqyer,
por edhe një pasues po aq i mirë”, tha sulmuesi
Nunjo Gomesh. Në fakt, trajneri i portugezëve, Luis
Felipe Skolari ka bërë të ditur se do të luajë me një
sulmues të vetëm, pikërisht Gomeshin, i cili do të
mbështetet nga krahët nga lojtarë si Kristiano Ronaldo
dhe Simao. Ky i fundit do të jetë në balotazh për
një vend në formacion me yllin e skuadrës së Portos,
Rikardo Kuarezmën.

Do eliminojmë skuadrat pretendente
Sulmuesi i Kombëtares së Rumanisë, Ciprian
Marika, është shprehur optimist për forcën e
skuadrës së tij, ndërkohë që do të formojë dyshen
sulmuese të kombëtares, sëbashku me Adrian Mutunë.
“Kam besim të madh se Rumania do të arrijë
të kalojë me sukses fazën në grupe, duke eliminuar
dy pretendente për të triumfuar në Evropian.
Nuk do të jetë aspak e lehtë, por ndaj nesh, kundërshtarët
do të luajnë me mendimin se nuk do e kenë
të vështirë fitoren dhe kjo do t’u kushtojë. Jemi të
gatshëm për të zhvilluar një paraqitje sa më pozitive
dhe kemi grupin e duhur të futbollistëve për
ta bërë një gjë të tillë. Kam besim se do t’ia dalim
mbanë”, tha Ciprian Marika, i cili është cilësuar
si partneri i duhur për repartin sulmues të Rumanisë,
përkrah Adrian Mutusë, duke parë edhe cilësitë
e tij. Rumunët do të kenë një sfidë të vështirë pasi në
grup do të përballen me kundërshtarë mjaft të fortë
si Italia, Franca dhe Hollanda. Gjithsesi ekipi i
Piturkës është optimist për të kaluar në fazën tjetër.

Jemi të etur për triumf
Mbrojtësi i Kombëtares së Holandës, Xhon Heitinga, ka deklaruar se këtë herë grupi
është mjaft i motivuar për të fituar, pasi ka kaluar mjaft kohë pa një sukses të rëndësishëm.
“Jemi të gjithë të gatshëm për të triumfuar në Evropian, pasi kombëtarja ka mjaft
kohë pa arritur një sukses të rëndësishëm. Kemi futbollistë të shkëlqyer në ekip dhe do të
arrijmë të marrim maksimumin. E rëndësishme është që gjërat të shkojnë ashtu si duhet
dhe ne do të mundohemi të japim më të mirën tonë, duke qenë një grup sa më kompakt në
fushën e lojës”, tha mbrojtësi holandez, i cili sezonin e ardhshëm do të luajë për skuadrën
spanjolle të Atletikos së Madridit.

Perrota sheh Botërorin si frymëzim
Simone Perrota mendon se triumfi i Italisë në Botëror do të shërbejë si shtysë
psikologjike, për të përsëritur suksesin edhe në Evropian. “Fitorja në Botëror na dha forcë
dhe vetëdije në potencën e vet. E dimë që këtë Evropian do ta luajmë bashkë me
shumë Kombëtare të tjera, por jemi të bindur në vlerën tonë. Nuk nisem si titullar?
Edhe në Botëror ishte po e njëjta gjë, por si përfundim luajta shumë ndeshje. Sidoqoftë,
secili në mënyrën e tij do të japë kontributin e vet dhe nuk besoj se do të ketë probleme.
Kush do të luajë do ta japë në fushë, ndërsa kush nuk do të luajë do ta bëjë duke
mbështetur shokët, pikërisht siç ndodhi në Botërorin gjerman”. Nuk mund të mos
flitet edhe për Kasanon: “Përse duhet të shqetësohem për Antonion? Ai duhet vlerësuar
për atë që bën në fushë, pasi zotëron cilësi të jashtëzakonshme. Problemi është
se çfarëdo që bën zmadhohet, ndërsa në të vërtetë ai po qëndron i qetë”.

Enigmë mbrojtja anti-Holandë
Tekniku Donadoni ka provuar skemat mbrojtëse anti-
Holandë, në stërvitjen e pasdites së djeshme. Kanë
qenë disa zgjedhjet, që ka dashur të vlerësojë tekniku:
fillimisht, Kielini e Barzali në çift, pastaj Panuçi përkrah
të Barzalit, me Kielinin në të majtë, ndërsa nga ana tjetër
Materaci e Gamberini. Kështu duket se tekniku i kaltër
s’ka vendosur ende përfundimisht se ç’lojtarë do
të aktivizojë.

Mungesat na kanë motivuar më shumë
Sulmuesi i Kombëtares çeke, Milan Barosh ka pranuar se skuadra
duhet të vuajë disa mungesat rëndësishme në formacion, përfshirë
edhe Tomas Roziçkin, gjithsesi, sipas tij nuk do të ndikojnë në ecurinë
e ekipit. “Është e vërtetë që duhet të përballemi me disa mungesa
të rëndësishme, por një gjë e tillë na ka motivuar akoma më shumë
dhe jemi gati për të treguar se mund t’ia dalim mbanë. Kemi lojtarë
mjaft cilësorë, të cilët do tregojnë qartë aftësitë e tyre. Kam besim se
do arrijmë një rezultat të shkëlqyer në Evropian. Nuk do jetë dhe aq e
lehtë, por jemi këtu për t’i kaluar të gjitha pengesat”, tha sulmuesi çek,
Milan Barosh, i cili do të formojë dyshen e repartit ofensiv së bashku
me shtatlartin Jan Koler.

Larson vazhdon të jetë më i miri
Mesfushori i Kombëtares suedeze, i cili aktivizohet në Angli me Uest
Hemin, Fredi Ljunebrg, ka thurur elozhe për sulmuesin veteran Henrik
Larson, i cili është thirrur në Kombëtares suedeze për kampionatin
evropian të këtij viti. “Kombëtarja është në një formë të mirë
dhe ka harmoni brenda grupit. Por, ajo që dua të theksoj është se
Henrik Larson vazhdon të jetë më i miri. Pavarësisht moshës së tij,
Larson do bëjë sërish diferencën në fushën e lojës dhe sëbashku
me Zlatan Ibrahimoviç, është nga sulmet më të rrezikshme të Evropianit.
Aftësia e Larson për të shënuar është me të vërtetë
mbresëlënëse, ndërkohë që arrin të luajë me një ritëm të lartë edhe
për 90 minuta”, ka thënë Fredi Ljunberg.

Mund të mbyll një sezon të paharruar
Mesfushori rus Andrei Arshavin ëndërron të fitojë titullin Evropian me kombëtaren
e tij, duke përfunduar kështu një sezon të jashtëzakonshëm për
të. Pasi arriti të fitojë titullin kampion në Rusi dhe Kupën UEFA me skuadrën
e Zenitit, Arshavin do luajë për të fituar titullin e tretë për këtë vit. “Jam shumë
i lumtur që do luaj me Rusinë në një kompeticion kaq të rëndësishëm dhe në
fakt, nuk dua të marr pjesë thjesht për prestigj. Rusia ka një skuadër shumë
të fortë dhe kemi të gjitha shanset për të arritur një rezultat të shkëlqyer.
Ëndrra ime është që të kthehem në vendlindje me trofeun e Kampionit të
Evropës, duke mbyllur kështu një sezon futbollistik që çdo futbollist do e
ëndërronte. Kam fituar titullin Kampion në Rusi dhe Kupën UEFA, ndërkohë
që me Rusinë, triumfi vlen më shumë se kaq”, tha Arshavin.

Vieira i duhet Francës
Pas kthimit në stërvitje të Patrik Vieirasë, ai që duhet të trishtohej për këtë, është ndier më i lumtur që veterani i Francës u kthye me kombëtaren. 24-vjeçari, Matjë Flamini u la jashtë skuadrës nga Domenek, por pas dëmtimit të kapitenit Vieira, trajneri i “Gjelave” mendoi që ta grumbullonte lojtarin e sapoblerë të Milanit si rezervë në rast të mos-rikuperimit të Vieriasë. Ditën e djeshme, Vieira u bashkua me skuadrën në stërvitje dhe në këtë mënyrë i preu shpresat Flaminisë për të luajtur në Evropian, por ky i fundit nuk është dukur aspak i trishtuar, madje e ka vlerësuar maksimalisht kapitenin. “Është lojtar i rëndësishëm për skuadrën. Uroj që të jetë në gjendje të luajë në të gjitha ndeshjet dhe i uroj fat të gjithë ekipit”, tha Flamini për “L’Equipe”.

Ksavi, i kënaqur me fitoren ndaj SHBA-së
Ksavi Hernandez është i kënaqur me fitoren që mori Spanja ndaj
SHBA-së, falë golit të tij. Për mesfushorin e Barcelonës, rezultatit i
marrë përpara fluturimit drejt Zvicrës, ka vlera të shumta, pasi i
frymëzon djemtë e Aragonesit përsa më shumë fitore në Euro 2008.
“Ndihemi të mrekulluar. Edhe pse na u desh kohë derisa të dilnim në
lojën tonë karakteristike, në pjesën e dytë treguam se dimë të krijojmë
raste në zonën kundërshtare”, tha Ksavi. Ndërsa vetë trajneri
i iberikëve u shpreh i gëzuar për përmirësimet e skuadrës së tij në
muajt e fundit dhe ndeshja ndaj SHBA-së ishte një tregues i mirë i
progresit të lojtarëve. Sipas Ksavi Hernandes, kombëtarja e tij do të
vazhdojë progresin e saj edhe gjatë ndeshjeve të kampionatit evropian,
madje nota më e mirë për vlerësimin e progresit do të jenë
rezultatet e ndeshjeve. “Jemi duke ndjekur filozofinë tonë të të luajturit,
dhe nga njëra ndeshje në tjetrën do të përforcojmë aftësitë
tona derisa të arrijmë nivelin më të lartë”, shtoi ai.

Ksabi Alonso, i gatshëm për Evropianin
Mesfushori spanjoll, Ksabi Alonso, e ka kaluar dëmtimin e marrë
në fund të kampionatit dhe sipas tij, rikuperimi erdhi në kohën e
duhur, për të ndihmuar Spanjën drejt fitimit të Euro 2008. “Ndihem
në një formë të mirë. Pësova një dëmtim të keq që më mbajti për
shumë kohë jashtë fushe, por tani ndihem i freskët dhe më duket
sikur kam luajtur normalisht gjatë gjithë ndeshjeve në kampionatin
anglez - tha mesfushori i Liverpulit. - Dëmtimi më bëri që të kem
një sezon zhgënjyes, por tani ndihem mirë dhe them se jam në
formë të mirë për të ndihmuar kombëtaren time për një sukses në
Evropian. Është momenti ynë i përshtatshëm për të fituar këtë
kompeticion, sepse në sezonin që lamë pas, të gjithë lojtarët e
kombëtares sonë kanë qenë në formë të jashtëzakonshme, mund
të përmend, Torresin, Fabregasin, Vilën, apo edhe Iniestën”,
vazhdoi më tej, Alonso, i cili është pranë kalimit te Juventusi.

Filip Senderos: Ëndrra fillon tani
Mbrojtësi zviceran, Filip Senderos thekson se kombëtarja organizatore
e Evropianit duhet të marrë pikët maksimale në ndeshjen
e parë hapëse të turneut, edhe pse përballë do të ketë një ekip të
vështirë si Çekia. “Është një ndeshje e madhe për ne - tha lojtari
i Arsenalit Senderos. - Është tepër e nevojshme që ta fillojmë me
‘këmbë të mbarë’, pasi në të kundërt do ta kemi shumë të vështirë.
Të gjithë në Zvicër mezi e kanë pritur këtë takim dhe nuk
duhet të zhgënjejmë. I kemi aftësitë e nevojshme për të marrë më
të mirën ndaj Çekisë dhe dëshira e madhe që ka skuadra për të
fituar, do të na e largojë presionin që do të kemi në ndeshjen
hapëse të një kompeticioni kaq të madh”.

Më nacionalist se kushdo tjetër
Trajneri i skuadrës Kombëtare të Turqisë, Fatih Terim, iu përgjigj ditën
e djeshme komenteve të bëra nga novelisti i letërsisë turke, Orhan
Pamuk, i cili e quajti drejtuesin e ekipit turk, ultra-nacionalist. Javën e
shkuar, Pamuk tha për “Der Spigel” se do të mbështesë skuadrën
turke në Euro 2008, edhe pse drejtohet nga Terim. Në krahun tjetër,
Fatih Terim e quajti Pamuk një nacionalist të papërshtatshëm, duke
folur për televizionin turk, “ATV”. “Ai ka thënë se të nacionalizmi i
Terimit e shqetëson atë, por për mua ai është veçse një nacionalist i
papërshtatshëm”, tha ish-trajneri i skuadrës së Milanit, Fatih Terim.

Torres do të jetë ylli i Euro 2008

Portieri i Liverpulit, Pepe Reina, beson se shoku i tij i skuadrës,
Fernando Torres, do të jetë futbollisti që do të shkëlqejë
në kompeticionin e sivjetshëm që fillon ditën e nesërme, në Austri
dhe Zvicër, duke vijuar formën e jashtëzakonshme
që ka treguar në sezonin e tij të parë në Angli. “Fernando Torres
ishte një nga lojtarët më të mirë në Angli dhe jam
i bindur se ai do të jetë edhe ylli i Euro 2008 - deklaroi Reina. - Fernando
është shumë i fortë në mentalitet dhe është lojtari kyç i Spanjës”, vazhdoi
më tej Reina, ndërsa vetë sulmuesi tha: “Edhe pse në ndeshjet e fundit
miqësore nuk kemi bindur përsa i përket golave të shënuar, kemi arritur
të gjejmë një mirëkuptim në fushën e lojës. Këto fitore minimale që kemi
marrë na kanë ndihmuar të gjejmë ritmin e duhur të lojës si dhe na kanë
rritur besimin në vetvete. Duhet shtuar se gjatë kësaj periudhe nuk kemi
pasur asnjë dëmtim dhe kjo është e rëndësishme, sepse edhe ndeshjen e
parë kemi një ekip të fortë dhe dinamik si Rusia, ndaj të cilës duhet një
skuadër e fortë për të fituar”.

Cana, i katërti në Evropë në votimin e tifozëve
Tifozët e kanë vlerësuar Lorik Canën si lojtarin e katërt më të
mirë në Kontinentin Evropian. Në sondazhin e uebsajtit sportiv
goal.com, tifozët kanë kryer një votim dhe mesfushori i
përfaqësueses shqiptare dhe njëkohësisht kapiteni i Olimpikut
të Marsejës është renditur i katërti në preferencat e tifozëve.
24-vjeçari kuqezi është renditur i katërti, pas Kristiano Ronaldos,
Kakasë, dhe Agurreos. Mesfushori shqiptar ka marrë të
njëjtën notë me tre lojtarët e vendit të parë, 7.05, por në tabelë
është vendosur i katërti. Ylli i Kombëtares shqiptare ka lënë
pas Lionel Mesin, Stiven Zherard, Raulin, Fabregasin dhe
shumë lojtarë të tjerë të njohur. Ai është vlerësuar maksimalisht
për grintën dhe për shpirtin luftarak që shfaqi gjatë sezonit
të kaluar. Ky është një tjetër vlerësim i tifozëve evropianë,
pas atij të bërë nga tifozët e Marsejës, që e cilësuan
Lorik Canën si lojtarin e vitit të Olimpik Marsejës.

Lajme Sportive Nderkombetare 8

2008-06-05T02:35:00.000-07:00

Luis Figo i shtyn luzitanët drejt finales
“I kemi kartat në rregull për të arritur në finalen e Vjenës - ka
deklaruar Luis Figo për agjencinë e lajmeve ‘Lusa’. – Me përkushtim,
vendosmëri dhe pak fat, që është gjithnjë i nevojshëm, Portugalia
mund të synojë majat këtë herë”, vazhdon mesfushori i Interit,
që i ka dhënë lamtumirën Kombëtares pas 127 prezencash.
“Rivalet e mëdha? Të zakonshmet: Italia, Franca dhe Gjermania”,
përfundon Figo. Ndërkohë, s’ka më alarm për Kristiano Ronaldon,
që kishte probleme në kavilje. Simboli i “bandës Skolari” i ka zhvilluar
në maksimum dy seancat e fundit stërvitore, duke dhënë
spektakël në ndeshjen e kontrollit të së martës, që u ndoq nga një
numër rekord prej 12 mijë tifozësh portugezë. Stërvitja e ardhshme
me porta të hapura (në stadiumin e Nojshatel Ksamaksit)
është parashikuar të dielën e ardhshme, 24 orë pas debutimit ndaj
Turqisë. Në sallën e konferencës për shtyp janë paraqitur, Paulo
Ferreira dhe Petit. Është folur për çështjen e Portos, por edhe për
Kristiano Ronaldon, i shpërqendruar disi nga sulmi i Realit të Madridit.
“Ne e shohim të motivuar, në formë, ka shumë dëshirë për të
bërë gjëra të mëdha, - kanë garantuar ata të dy - nuk na duket
aspak që ta ketë mendjen gjetkë e jo në stërvitje”.

Biliç: Mund ta fitojmë ne Evropianin
Trajneri i suksesshëm i Kroacisë, Sllaven Biliç, deklaroi të mërkurën
se skuadra e drejtuar prej tij mund ta fitojë Euro 2008. 39-vjeçari, një
ish-qendërmbrojtës i spikatur pranoi se favoritet janë si zakonisht
Gjermania dhe Italia, por shtoi se skuadra e tij,
e re në moshë nuk i druhet askujt dhe se grupi
i lojtarëve ka potencialin për të shkuar shumë
më larg se paraardhësit e vet në 1996 dhe
2004, ku arritën deri në çerekfinale. “Unë besoj
se jemi aq të fortë sa të pretendojmë për
titullin kampion”, tha Biliç, i cili është përfshirë
thellësisht në këtë fushatë, teksa ka krijuar
edhe himnin e Kroacisë në Euro 2008, këngën
“Çmenduri e zjarrtë”, bashkë me grupin e tij
“Rawbau”, ku ai ka rolin e kitaristit. “Skuadra
është e mirë dhe solide, u kualifikuam në finalet
e Evropianit nëpërmjet një prej grupeve më
të forta dhe mbi të gjitha mundëm Anglinë dy
herë gjatë eliminatoreve. Në letër, favoritët tradicionalë
janë Gjermania, Franca dhe Italia. Mund
të futësh këtu në listë edhe Spanjën e Holandën.
Madje, edhe Anglia do të ishte mes favoritëve...
nëse do të ishte kualifikuar, kuptohet”,
shtoi Biliç, i cili është shndërruar në një idhull të futbollit në
Kroaci, kur pavarësisht një frakture në legen, ai i luajti të gjitha
ndeshjet e Botërorit 1998, ku kroatët arritën deri në gjysmëfinale, për
t’u eliminuar nga Franca, që më pas fitoi turneun.

Van Persi
Robin van Persi tha të mërkurën se ai do të luftonte
për të luajtur 90 minuta të plota me Holandën, kur të nisë
fushata e finaleve të Euro 2008 në Grupin C. “Për momentin
them se jam gati ta bëj një gjë të tillë, por mund të jetë
e vështirë që të luaj 90 minuta të plota - tha Van Persi për
gazetarët në stadiumin olimpik të Lozanës. - Mbase
unë mund të jem i rëndësishëm për skuadrën në
ndonjë rol të caktuar, mirëpo këtë e vendos trajneri. Nëse
do të ishte në dorën time, unë do ta vija veten në formacionin
bazë në 9 nga 10 ndeshje të mundshme. U ndjeva mirë
sot (dje) edhe pse në fund të stërvitjes isha disi i lodhur.
Gjithsesi, kjo është logjike, teksa kjo është më ndryshe
krahasuar me dy javët e fundit. Pastaj, çdo gjë ishte në
kontroll dhe tani duhet të bëj atë çfarë më kërkohet në stërvitje”.
Trajneri Marko van Basten shprehet: “Unë besoj
se ai është nga ata lojtarë që mund ta gjejë shumë shpejt
ritmin e tij. Ai mund të arrijë një nivel të mirë në një kohë
shumë të shkurtër”.

Seitaridis: E meritojmë të jemi kampionët
Greqia ka një synim kryesor në finalet e Evropianit që do të zhvillohet
në Austri dhe Zvicër: të fitojë respekt. Skuadra erdhi nga hiçi
për të fituar Euro 2004, dhe katër vjet më vonë kërkon të vërtetojë
besueshmëri ndërkombëtare. Greqia u rendit
me lehtësi e para në grupin e eliminatoreve,
me 10 fitore në 12 ndeshje, duke grumbulluar
31 pikë, maksimumi i arritur nga 16
skuadrat që u kualifikuan për në finalet e Euro
2008. Renditja e FIFA-s për muajin qershor e
pa Greqinë të pozicionuar në vendin e 8-të
për të tretin muaj radhazi. Mirëpo, sipas
mbrojtësit Giourkas Seitaridisit, grekët kanë
diçka për të vërtetuar. “Në çdo ndeshje ne
duhet të tregojmë se e meritojmë të quhemi
kampionët e Evropës”, tha Seitaridis, i cili festoi
27-vjetorin e tij të lindjes të mërkurën. “Në
këtë Evropian, ne vijmë si kampionët në fuqi
dhe do të ndjejmë shumë presion, sepse
duhet t’u tregojmë të gjithëve se ajo që ndodhi
katër vjet më parë nuk ishte thjesht rastësi”.
Trajneri Oto Rehagel është kritikuar për
faktin se ka aplikuar taktika të dështuara me
një rreshtim shumë mbrojtës. Tekniku gjerman i bëri ndryshime
graduale skuadrës së tij, që nuk arriti të kualifikohej në finalet e
Botërorit 2006 në Gjermani, duke shpresuar të rritë aftësinë e
skuadrës për të shënuar gola me sulmues të rinj.

Portugalia nuk është vetëm Kristiano
Ronaldo dhe Turqia nuk do të fokusohet vetëm
te ylli portugez në ndeshjen e parë të Grupit A
të shtunën, por te skuadra”. Kështu ka deklaruar
sulmuesi i përfaqësueses së Turqisë,
Nihat Kahveçi, të mërkurën për median. “Sigurisht,
që Kristiano Ronaldo bën diferencën.
Ai është padyshim futbollisti i vitit”, u shpreh
Nihat në konferencën për shtyp në Nion pranë
Gjenevës, aty ku skuadra ka bazën stërvitore.
“Kur ke një lojtar që shënon aq shumë gola
dhe që ka fituar Premier Ligën dhe Ligën e
Kampioneve, është e natyrshme që të gjithë të
Nihat: Portugalia s’është vetëm Ronaldo
flasin për të, - vijoi turku. – Mirëpo, nuk mund
të fitosh vetëm me një lojtar. Nuk është vetëm
Kristiano Ronaldo në fushë. Ne i respektojmë
të gjithë lojtarët e Portugalisë dhe nuk mendojmë
vetëm për të”. Mesfushori i Portugalisë
ka qenë në formë të shkëlqyer sezonin e fundit,
duke shënuar 42 gola në të gjitha kompeticionet
për Mançester Junajtedin, ndërkohë që do
të ketë në krah yje të tjerë siç janë mesfushori i
Barcelonës, Deko dhe mbrojtësi i Çelsit, Rikardo
Karvalho. Nihat tha se Portugalia është favorite
për të dalë e para në Grupin A, ku bëjnë
pjesë edhe Zvicra e Republika Çeke.

Pas disa shkëndijave rikthehet paqja
Sikur të mos mjaftonte ndërhyrja që la jashtë Evropianit Fabio
Kanavaron, një veprim të tillë, Xhorxho Kielini e ka shkaktuar
edhe në stërvitjen e radhës kundër Antonio Kasanos. Pas një
episodi të tillë, sulmuesi barez i Sampdorias ka ngritur zërin
kundër mbrojtësit juventin, duke ndezur kështu një dialog të ashpër
ndërmjet tyre. Mirëpo, ky moment nuk i ka pëlqyer aspak
trajnerit Roberto Donadoni, i cili ka ndërhyrë menjëherë për ta
shuar këtë debat. Ndërkohë që ditën e djeshme, stërvitja e italianëve
ka startuar me një përqafim ndërmjet dy “grindavecëve”,
në fund të së cilës të dy lojtarët janë ndalur nga Roberto Donadoni,
për të biseduar së bashku për pak minuta. Gjithsesi, pas
stuhisë, duket se në Kombëtaren italiane tashmë është vendosur
përfundimisht paqja.

Përfundon me sukses operacioni për italianin
Ka zgjatur pak më shumë se 30 minuta operacioni
i kapitenit të Kombëtares italiane, Fabio Kanavaro,
i bërë në një nga klinikat e Vjenës, pas një dëmtimi
të pësuar tri ditë më parë në kaviljen e këmbës së
majtë. Dhe lajmi i mirë nuk ka vonuar të vijë, kjo
ndërhyrje kirurgjikale ka përfunduar me sukses.
Ndërkohë, bëhet e ditur edhe koha që i duhet
mbrojtësin për t’u rikuperuar. Sipas mjekut të kampionëve
të botës, profesor Andrea Ferretit, Kanavaro
do t’i rikthehet rregullisht stërvitjes pas dy muajsh.
“Jam shumë i lumtur që operacioni im ka përfunduar
me sukses. Tashmë, do të jem i impenjuar duke
motivuar dhe ndjekur nga afër shokët e mi, por
ndërkohë do të rifilloj edhe fazën riaftësuese”, ka
thënë Fabio Kanavaro, pasi ka lënë klinikën në Vjenë.

215 mijë euro për lojtar, në rast suksesi
Tashmë që edhe telenovela e kontratës së Donadonit është zgjidhur,
Xhixhi Riva, menaxheri i përfaqësueses italiane së bashku me
“sindikalistët” e kësaj skuadre, Alesandro Del Piero, Fabio Kanavaro,
Xhixhi Bufon e Xhenaro Gatuzo, po trajton edhe çështjen e
premiove që secili lojtar i këtij grupi do të përfitojë në rast suksesi.
Ndonëse, kjo çështje është lënë disi pas dore për shkak të dëmtimit
të Kanavaros, bëhet e ditur se ajo do të zgjidhet patjetër përpara
debutimit në këtë kompeticion më 9 qershor, kundër Holandës. Gjithsesi,
shifrat për suksesin në Evropian variojnë nga 215 deri në 250
mijë euro për lojtar. Ndërsa, në rast se skuadra e përfundon këtë
garë në vend të dytë, atëherë do të jepet gjysma e kësaj shume
(120 mijë euro). Përveç këtyre, thuhet se për çdo kalim turi, secili
nga kampionët e botës do të përfitojë 15 mijë euro.

Francën e vërtetë, në tri ndeshjet e para
Edhe njëherë, trajneri i K o m b ë t a r e s
franceze, Rejmond Domenek, është dukur me humor
të mirë pas paraqitjes së bërë nga të përzgjedhurit e tij
në ndeshjen ndaj Kolumbisë. Edhe pse fituan vetëm me një
gol të shënuar, drejtuesi i pankinës frënge iu gëzua
mbrojtjes së mirë të futbollistëve të tij dhe faktit që asnjë
prej tyre nuk u dëmtua. Edhe pse gjatë 90-minutëshit
të luajtur nuk u dhurua spektakli i pritur, për Domenekun
ai stil loje i jep siguri të madhe për një sukses në Evropian.
“Nuk u dëmtua as edhe një lojtar dhe kjo është më e
rëndësishmja. Megjithëse pati ndërhyrje të ashpra në disa
raste, për fatin tonë të mirë, listës së të dëmtuarve nuk iu
shtua ndonjë emër i ri. Dhe kjo është mjaft e rëndësishme.
Diçka tjetër po kaq e rëndësishme është edhe fakti që
fituam, ndonëse nuk qe një takim i lehtë. Edhe ndeshjet e
Evropianit të vështira do të jenë, por do të kenë vlerë
vetëm në rast se i përfundojmë me rezultat të njëjtë si
kjo me Kolumbinë”, u shpreh ish-tekniku i Lionit. Edhe pse
“gjelat” kanë shënuar vetëm tre gola në tri ndeshjet përgatitore
para se të udhëtojnë drejt Zvicrës dhe kanë filluar
të hidhen dyshime për një sulm të vakët të bluve, përsëri
Domenek beson se djemtë e tij dinë të krijojnë rastet e duhura
për ta kthyer në avantazh të tyre ndeshjen dhe duhet
veç të tregohen më të qetë përpara portës dhe të kenë
më tepër fat. “Në tri miqësoret e fundit kemi bërë gjuajte
për gol me bollëk kundër skuadrave solide, të cilat janë
mbrojtur në mënyrë të përkryer. Kjo mund të konfirmohet
nëse shohim përqindjen e golave në raport me shanset e
krijuara. Besoj se në Evropian nuk do t’i shpërdorojmë
rastet për të shënuar dhe uroj të kemi më tepër fat. Dua t’ju
siguroj se Francën e vërtetë do ta shihni që në tri ndeshjet e
para të grupit”, përfundoi kreu i pankinës franceze.

Rumania, me sytë tek Adrian Mutu
“Fenomeni”, siç thirret nga tifozët e Fiorentinës, është shpresa e
gjithë rumunëve për një sukses të skuadrës së tyre në Evropianin
e Austrisë dhe Zvicrës. Pavarësisht luhatjeve të shumta në karrierën
e tij, sezonin që sapo përfundoi Adrian Mutu ka treguar një
formë të jashtëzakonshme. 29-vjeçari ka shënuar për violët 17
gola, duke i siguruar kështu skuadrës së drejtuar nga Prandeli një
vend për në Ligën e Kampioneve sezonin e ardhshëm. “Tani, ai ka
gjetur stabilitetin, ka arritur pjekurinë dhe ka përvojën e duhur për
të bërë një paraqitje të mirë në Evropian”, është shprehur tekniku i
Rumanisë, Viktor Piturka, për “fenomenin”. Ndërkohë që presidenti
i Federatës Rumune të Futbollit, Mirka Sandu, e ka përkufizuar sulmuesin
Mutu një lojtar të jashtëzakonshëm. “Për mua, ai është sulmuesi
më i mirë në botë, i aftë të bëjë diferencën në çdo moment,
duke treguar në këtë mënyrë klasin e lartë që e karakterizon”.

Ndaj Francës, me mbrojtje të fortë
Edhe pse në ndeshjen parapërgatitore ndaj Malit të Zi fitoi me
rezultat të pastër 4-0, përsëri trajneri i Rumanisë ka kritikuar
mbrojtjen e tij, madje, për ndeshjen me Francën, Piturka mendon
të ndryshojë planet e lojës për një përforcim të mbrojtjes. “Nuk u
kënaqa aspak me lojën e bërë me Malin e Zi, pavarësisht se
fituam me rezultat të thellë dhe nuk pësuam gol. Të katër
mbrojtësit që mendoja se do t’i kisha titullarë ndaj Francës, bënë
një lojë të varfër, kështu që më bënë të ndryshoj mendje. Tani më
duhet të planifikoj një tjetër skemë loje, në mënyrë që të mos
biem viktimë në ‘grupin e hekurt’. E vetmja gjë që më ngrohu në
miqësoren me Malin e Zi ishte sulmi, që nuk diti të falte përpara
portës”, tha trajneri i Rumanisë Piturka, i cili synon që të kalojë
me sukses fazën në grupe, pavarësisht se do të ketë përballë
kundërshtarë si Italia, Franca dhe Hollanda.

Të gjithë dëshirojmë të fitojmë
Pas fitores 1-0 të Francës ndaj Kolumbisë, mesfushori
dinamik i bluve, Frenk Riberi, u shpreh për televizionet
franceze se dëshira e skuadrës është të fitojë kampionatin
evropian. Ishte pikërisht ky lojtari më në formë i “gjelave”,
që bëri dhe zhbllokimin e rezultatit, duke i dhënë fitore
skuadrës së Domenekut në miqësoren me përfaqësuesen
e Kolumbisë. Mesfushori i avancuar i Bajernit të Mynihut
tha se gjatë asaj ndeshjeje kishte marrë një goditje të
lehtë në kavilje, por siguroi se “do të kujdesej për veten
për të qenë i gatshëm ndaj Rumanisë”. Edhe mbrojtësi
qendror, Uilliam Gallas, pas fitimit të miqësores me
Kolumbinë u shpreh mjaft optimist për fitimin e kampionatit,
pasi, sipas tij, Frenk Riberi do të udhëheqë
grupin drejt finales së madhe. “Besoj se është dëshira
e të gjithëve që të fitojmë kampionatin evropian. Mirëpo
kjo s’ka për të qenë fort e lehtë, pasi ka edhe skuadra
të tjera që shpresojnë të njëjtën gjë. Por avantazhi
ynë është se kemi një Frenk Riberi në maksimumin e tij,
shpirti i garës së të cilit do t’i frymëzojë të gjithë në
fushën e lojës”, theksoi Gallas. Në ndeshjen e parë, ekipi
i drejtuar nga Domenek do të përballet me Rumaninë
në Zyrih, ndaj së cilës duhet të marrë patjetër një
fitore, për të qenë më i sigurt në ndeshjet e tjera me “të
fortat” e grupit, që janë Holanda dhe Italia, ndaj së cilës
humbën në finalen e botërorit të para dy viteve. “Është e
nevojshme ta nisim me këmbë të mbarë këtë kompeticion.
Edhe pse përballja me Rumaninë do të jetë shumë e
vështirë, duhet t’i fitojmë me çdo kusht tri pikët. Në atë
ndeshje besoj se do të ketë emocione të shumta dhe atmosferë
të jashtëzakonshme”, tha Frenk Riberi, i cili, falë
golit nga pika e bardhë e penalltisë në minutën e 25-të, i
dha Francës fitoren në miqësoren me Kolumbinë.

Do shkëlqej prej suksesit të Spanjës
Fernando Torres, pas një sezoni të suksesshëm me Liverpulin,
tashmë do të jetë i gatshëm për të dhënë maksimumin
e tij edhe në Kombëtaren e Spanjës, në një kompeticion
të rëndësishëm siç është kampionati evropian.
- Pas një sezoni të suksesshëm individual me Liverpulin,
a ndiheni gati për të dhënë më të mirën me Spanjën?
E rëndësishme është që ne të japim të gjithë maksimumin
tonë gjatë kampionatit evropian, pasi është
një kompeticion shumë i rëndësishëm. Unë jam në
një formë të mirë, por nuk varet gjithçka nga unë.
Kemi një skuadër me të vërtetë të fortë, por lufta për
të arritur objektivat do të jetë me të vërtetë e vështirë.
- Mendoni se do të bëni diferencën edhe në Evropian?
E thashë që nuk është aspak e lehtë. Futbolli në
Premier Ligë është mjaft ndryshe, pasi bëhet lojë e
shpejtë, me pasa të shkurtra. Kurse në ndeshjet
me kombëtaren, loja është më e qetë. Aty nuk lejohen
gabimet, ndërkohë që për të shënuar, aksionin duhet ta
ndërtosh gradualisht, me pasa të gjata e vertikale.
- Cila mendoni se është pika më e fortë e kombëtares
suaj? Të gjitha repartet dhe për këtë nuk kam as më të voglin
dyshim. Jemi një nga ekipet më të forta në Evropian. Kemi
lojtarë të shkëlqyer. Mjafton të përmendësh emrat e çdo
reparti dhe bindesh menjëherë. Nuk duhet të harrojmë
se kemi një portier si Iker Kasiljas, mbrojtës si Pujol,
mesfushorë si Iniesta e Fabregas dhe sulmues si David
Vija. Çdo klub ëndërron që të ketë lojtarë të tillë.
- Po ju, mendoni se jeni një element mjaft i rëndësishëm
në kombëtare? Unë do shkëlqej prej suksesit
të Spanjës. Nëse arrijmë të fitojmë titullin kampion
Evrope, unë do jem shumë i rëndësishëm, po aq sa edhe
shokët e ekipit. Rëndësia e një lojtari vihet re vetëm te rezultati
që arrin ekipi.

Shqipëria zbret gjashtë shkallë në renditjen e FIFA-s
Humbja me Poloninë i kushtoi Shqipërisë zbritjen gjashtë
vende më poshtë në renditjen botërore të FIFA-s, të publikuar
vetëm tri ditë para fillimit të kampionatit evropian. Për
muajin qershor 2008, përfaqësuesja jonë renditet në vendin
82-të, me 375 pikë (46 pikë më pak së në muajin maj) duke
pasur para Omanin (81) dhe pas Katarin (83). Në
renditjen specifike të UEFA-s, formacioni i holandezit
Ari Han ndodhet në vendin e 41-të, ku kemi
humbur gjithashtu, 6 vende. Para kuqezinjve
ndodhet Gjeorgjia (40) dhe pas nesh, Islanda (42).
Muaji qershor regjistron edhe renditjen më të keqe
në vitin 2008. Në janar kemi qenë në vendin e 80-të, në
shkurt (73), në mars (74), në prill (76) dhe në maj në
vendin e 76-të. Nga kundërshtarët tanë në eliminatoret
e Botërorit 2010, Portugalia ndodhet në vendin
e 11-të në botë dhe të 9-in në Evropë. Suedia: e
30-ta në FIFA, e 19-ta UEFA; Danimarka (33, 22);
Hungaria (52, 29) dhe Malta (134, 48). E para në renditjen
botërore është Argjentina, ndërsa në podium janë dhe Brazili
(i dyti) dhe Italia (e treta). Përfaqësuesja italiane vazhdon të
jetë skuadra më e mirë në kontinent, duke e ndarë podin me
Spanjën (e dyta) dhe Gjermaninë (e treta).

Media gjermane: Hyka, “Maradona i Ballkanit”
Media gjermane e ka cilësuar Jahmir Hykën, blerjen e re
të Mainc 05, si një nga goditjet e merkatos në Bundesligën 1.
Në një shkrim të publikuar në uebsajtin “fokus online.de”,
20-vjeçari shqiptar është cilësuar si “Maradona i Ballkanit”.
Ndërkaq, menaxheri i klubit të Mainc 05, Kristien Haidel,
ka rrëfyer një prapaskenë gjatë orëve që ishte duke biseduar
me Hykën. “Për të interesoheshin shumë klube, dhe
megjithëse thuhej se ai ishte pranë kalimit te Dinamo e Zagrebit,
kjo nuk është plotësisht e vërtetë, pasi lojtarin për pak sa
nuk na e mori, Mynih 1860 – ka thënë Haidel – Menaxherët
e Mynih 1860 e kishin çuar Hykën për të vizituar stadiumin
“Alianz Arena”, i cili është vërtet mbresëlënës dhe ne patëm
frik se mos Hyka pranonte ofertën e tyre, por në fund ai
zgjodhi skuadrën tonë dhe jemi shumë të kënaqur për këtë”.

Selltiks-Lejkërs, përsëritet historia
Përballja parë ka qenë thuajse gjysmë shekulli më parë. Ishte
4 prilli i vitit 1959, ditë e shtunë kur Lejkërs dhe Boston
Selltiks ndesheshin për herë të parë në një sfidë për NBA-në.
Kjo ishte e para sfidë mes dy skuadrash që sot do të luftojnë
edhe një herë për titullin e kampionëve të NBA-së. Një finale
mes dy skuadrave që kanë bërë histori, dy skuadrash që
asnjëherë nuk i kanë munguar kampionët. Do të jetë edhe
një herë sfidë mes mitesh si Lerri Bërd dhe Mexhik Xhonson.
Ata kanë qenë në fushë 21 vite më parë kur Boston për herë
të fundit arriti në finale. Atëherë Los Anxheles fitoi titullin.
Për basketbollin profesionist amerikan, kjo është një finalja
perfekte, një ndeshje, të cilën të gjithë e kishin ëndërruar në
fillim të sezonit. Në play-off Los Anxheles është admiruar
më shumë se Bostoni. Selltiks ka mbledhur mesatarisht 96
pikë në shtëpi kundër 85 pikëve në ndeshjet në transfertë.
Në sezon, Lejkërs, skuadra e Konferencës së Lindjes është
në avantazh me 32 pikë. Lejkërs mund të mbështeten fort në
lojën e Brajant, ndërsa Boston ka në favor faktorin fushë dhe
do t’u duhet të ulin disi ritmin dhe të kenë kujdes nga sulmi
i LA që është më i forti në play-off-et e NBA-së. Por ndryshe
nga Lejkërs, Selltiks kanë mbrojtjen më të mirë.

Rajon Rondo vs Derek Fisher
Të dy mund të jenë një nga surprizat e ndeshjes. Fisher ka
eksperiencën e liderit dhe është i fortë në gjuajtjet e tij. Për
Rondon, ky është viti i parë si titullar dhe gjuajtjet janë ‘thembra
e Akilit’. Ai është shumë i talentuar dhe gjithashtu, një atlet i
vërtetë. Objektivi i tij është të shënojë 8-10 pikë, në mënyrë
që të aneksojë Big Three.

Rai Alen vs Kobi Brajant
Kobi është thjesht i pandalshëm, diferenca e vërtetë në këtë
përballje do të jetë në prodhimtarinë e Alen, të cilit do t’i
duhet të mbahet në 15 pikësh, për të bërë që Selltiks të jetë
sa më kompetitive. Mes tyre ka pasur gjithnjë një urrejtje të
thellë, jo vetëm përsa i përket anës sportive, megjithatë kanë
luajtur mjaft mirë kundër njëri-tjetrit.

Vladimir Radmanovic vs Pol Pirs
Pirs është rritur me Lejkërs dhe tani kthehet në Kaliforninë e
Jugut si armiku numër një i publikut. Është në finalen e tij të
vërtetë në NBA dhe do t’i duhet të menaxhojë emocionet që
zakonisht tek ai luajnë rol të rëndësishëm. Nga ana tjetër
është Radmanoviç, i cili nuk ka luajtur ndonjëherë më mirë se
sa muajt e fundit. Do të jetë sukses për të, nëse do arrijë të
lodhë Pirsin, për të sulmuar në momentin e duhur.

Kevin Garnet vs Lamar Odom
KG është njeriu me më shumë “uri” përsa i përket të gjitha
serive në finale. Ai mund të kthehet në një armë shkatërruese
për Lejkërs, por Odom mund ta bëjë të ndihet në vështirësi
nëse do të jetë aq i shpejtë në luftën nën tabelë. Të dy janë
lojtarë fizikisht të ngjashëm, por të kundërt përsa i përket
nivelit teknik.

Kendrik Perkins vs Pau Gasol
Qendra e Bostonit është fortë dhe e ashpër, ndërsa spanjolli
preferon të luajë me klas në çdo ndeshje. Aftësia e Gasolit për
të gjuajtur larg nga koshi mund të bëjë diferencën. Gjuajtjet e
forta të Perkins mund të jenë vërtetë shkatërruese, por mund
të krijojnë edhe probleme për faull, ndërsa ka edhe mjaft
probleme me përqendrimin.
Pankinat përballë njëra-tjetrës
Dok Rivers ka në dispozicion lojtarë të një cilësie të shkëlqyer
si PJ Broun, Sem Kasell, Xhejms Posi e Edie Haus. Gjuajtjet
dhe topat në tabelë janë plus për të. Ndërsa Fil Xhekson
mund të ketë besim te Sasha Vujacic, Ljuk Ualton, Xhordan
Farmar, Roni Turiaf e Trevor Ariza, ndërsa kanë diçka më
pak përsa i përket talentit.

Lajme Sportive Nderkombetare 7

2008-06-05T02:31:00.000-07:00

Trajnerët: Fiton Franca

Joakim Lëv (Gjermani): “Ne bëjmë pjesë në rrethin e skuadrave
pretendente. Këtë gjë e kemi vërtetuar gjatë kampionatit botëror, si edhe
me kualifikimin mjaft të suksesshëm për në Evropian. Për mua padyshim,
që në rrethin e kandidateve kryesore për fitimin e titullit kampion Evrope
bëjnë pjesë Franca dhe Italia. Gjithsesi, në Evropian çdo skuadër ka
shanse të barabarta të mundë një ekip tjetër. Kualiteti është shumë i lartë
dhe të gjitha skuadrat janë shumë pranë njëra-tjetrës përsa i përket nivelit”.

Rajmond Domenek (Francë): “Ne do të shkojmë në
Austri dhe Zvicër për ta fituar këtë kompeticion, pasi jemi në
gjendje ta arrijmë një gjë të tillë. Ne do të shpallemi
kampionë Evrope në fund të muajit. Unë jam i mendimit se
skuadra e trajnerit Joakim Lëv mund të jetë finalistja jonë e
mundshme më 29 qershor në Vjenë, pasi ajo ka një grup të
lehtë për të kaluar”.

Oto Rehagel (Greqi): “Ne duhet të prezantohemi në Evropian si fituesit në
fuqi dhe të tregojmë që në 2004-n nuk ishte surprizë shpallja jonë kampione
Evrope. Qëllimi ynë është të kalojmë në çerekfinale, çka është shumë e
mundshme. Ndoshta mund të qëllojmë në shenjë për të dytën herë radhazi.
Nuk ka ndonjë ligj që nuk të lejon të shpallesh për të dytën herë radhazi
kampion Evrope. Ne ia dolëm njëherë mbanë, pse të mos e përsëritim
suksesin tonë?! Për mua favoritet janë Italia, Franca dhe Gjermania”.

Roberto Donadoni (Itali): “Historia e kampionatit evropian
është mjaft e qartë. Shumë shpesh kanë fituar skuadra, të cilat
nuk kanë qenë favorite kryesore për fitimin e titullit si për
shembull Greqia dhe Danimarka. Përveç skuadrës sime, në rrethin
e favoriteve kryesore do renditja përfaqësuesen e Francës dhe
atë të Gjermanisë. Synimi ynë minimal për këtë Evropian është
arritja në gjysmëfinale”.

Slaven Bilic (Kroaci): “Favoritet kryesore për fitimin e
Evropianit për mua janë Gjermania, Franca dhe Italia. Pa harruar
këtu edhe skuadra të tilla si Holanda, Spanja apo Portugalia. Ne
do të bëjmë të pamundurën për ta fituar këtë Evropian. Greqia
na tregoi përpara katër vjetësh se, edhe skuadra të cilat nuk
janë favorite mund ta arrijnë një gjë të tillë. Unë e di që ne jemi
mjaft të fortë”.

Marko van Basten (Holandë): “Për mua favoritja kryesore
është Spanja. Ajo është një skuadër mjaft teknike dhe ka në
organikë lojtarë shumë të zotë, të cilët luajnë në kampionatin
spanjoll dhe atë anglez, që janë edhe dy kampionatet më të forta
në botë. Spanja, ashtu si edhe ne kemi fituar shumë pak në të
shkuarën, por tani unë e shoh shumë para atë. Favoritë të tjerë
janë Gjermania, Franca dhe Italia”.

Josef Hikersberger (Austri): “Për mua favoritja është Italia. Ne
duam të paktën të fitojmë një ndeshje. Ky është objektivi ynë i parë,
pasi kundërshtarët që kemi në grup janë mjaft të fortë dhe me një
kualitet të madh. Unë vetë si lojtar kam fituar gjithnjë nga një ndeshje
në Botëror dhe Evropian, këtë gjë dua ta vazhdoj edhe në këtë
Evropian si trajner. Pasi ta kemi arritur këtë gjë, mund të mendojmë
për çerekfinalen që është synimi ynë dhe njëkohësisht ëndrra jonë”.

Leo Benhaker (Poloni): “Në këtë Evropian për mendimin tim
nuk ka asnjë favorite kryesore. Të gjitha ekipet pjesëmarrës
janë të të njëjtit nivel. Çdo skuadër mund të fitojë kundër një
tjetre. Ajo që do të jetë më vendimtare, është se cila nga
skuadrat do t’i shfrytëzojë më mirë rastet që do t’i krijohen.
Ndërsa përsa i përket Kombëtares polake, synimi ynë është të
arrijmë të paktën në ndeshjet çerekfinale”.

Luis Felipe Skolari (Portugali): “Për mua favorite janë ato
skuadra, të cilat kanë marrë pjesë në pesë, apo gjashtë finale
të kompeticioneve të mëdha. Këtu do të veçoja përfaqësueset
e Gjermanisë, Italisë apo edhe Francës. Unë besoj se
mund të arrijmë në finale, edhe pse na duhet të fitojmë ndaj
kundërshtarëve mjaft të fortë si në grup, ashtu edhe në
ndeshjet çerekfinale dhe gjysmëfinale.”

Viktor Piturka (Rumania): “Për mua ka një numër të madh
skuadrash, të cilat janë në gjendje ta fitojnë këtë Evropian. Në grupin
tonë, ne jemi ekipi që ka shanse shumë të vogla, por përfaqësuesen
holandeze e kemi mundur gjatë ndeshjeve eliminatore të Evropianit.
Kjo do të thotë se, është një nivel që çdo gjë mund të ndodhë. Ne
mund t’i humbasim të gjitha ndeshjet e Evropianit, por në të njëjtën
kohë mund t’i fitojmë ato dhe të shpallemi kampion Evrope”.

Gus Hidink (Rusi): “Synimi ynë është të luajmë futboll
të një niveli ndërkombëtar, ku bën pjesë edhe ky
kampionat evropian. Është shumë e vështirë për të
arritur një rezultat pozitiv gjatë këtij kompeticioni, pasi
ne kemi një skuadër mjaft të re në moshë dhe pa
eksperiencë, megjithatë do të bëjmë më të mirën për t’u
prezantuar me dinjitet”.

Jakob Kuhn (Zvicër): “Favoritja kryesore për mua është Franca.
Është një skuadër e kompletuar në të gjitha repartet dhe ka
futbollistë me shumë eksperiencë për një kompeticion të tilë.
”Ndërsa për përfaqësuesen time mendoj që t’i kalojmë me sukses në
ndeshjet me skualifikim direkt, ndërkohë që çdo gjë tjetër do të
ishte një surprizë e këndshme për ne. Jemi vendi organizator dhe të
gjithë presin më të mirën nga ne”.

Lars Lagerbak (Suedi): “Danimarka e fitoi Evropianin në
vitin 1992, ndërsa Greqia e arriti një sukses të tillë katër vjet
më parë. Por ndodh shumë e rrallë që një kompeticion të tillë ta
fitojë një skuadër, e cila nuk renditet ndër favoritet kryesore.
Unë mendoj se një nga skuadrat e mëdha si Italia, Franca dhe
Gjermania mund ta fitojnë këtë Evropian. Synimi ynë është
që të kalojmë fazën e grupeve, pastaj të shohim më tej”.

Luis Aragones (Spanjë): “Unë jam shumë i sigurt në vetvete
se, ne mund ta fitojmë kampionatin evropian. Si kundërshtare
më të rrezikshme shoh kombëtaret e Francës, Italisë dhe
Gjermanisë. Gjithsesi jam i bindur që do të jetë një luftë me të
vërtetë e fortë, pasi pjesa më e madhe e ekipeve janë
pretendentë dhe vijnë të motivuar në një kompeticion të tillë.
E rëndësishme është që të japim më të mirën tonë”.

Karel Brykner (Çeki): “Gjermania të lë përshtypjen e një
skuadre mjaft fortë dhe këtë e ka vërtetuar shpeshherë. Ndërsa
Italia e di si fitohet një kompeticion i tillë. Sigurisht që ka edhe
skuadra, të cilat janë në gjendje të bëjnë ndonjë surprizë në çdo
moment, siç e bëri Greqia në Evropianin e 2004-s në Portugali.
Nuk duhet harruar që edhe Franca është një skuadër shumë të
fortë. Ndërsa synimi ynë kryesor është ta kalojmë në fazën

Fatih Terim (Turqi): “Çdo skuadër është në gjendje të mundë
një tjetër, pasi disniveli është zvogëluar shumë midis tyre. Ndërsa,
përsa i përket përvojës, do rendisja skuadrat e Francës,
Gjermanisë dhe Italisë, të cilat janë në favorite ndaj të tjerave.
Unë jam i sigurt që do të bëjmë një paraqitje mjaft të mirë.
Ne e dimë që do të na shohin më shumë se 75 milionë turq.
Do të ishte një sukses për ne, nëse do kalonim grupin”.

Lajme Sportive Nderkombetare 6

2008-06-04T03:27:00.000-07:00

8 arsye për të falënderuar Stiv Meklaren
1 Nuk do të ketë fluks makinash me flamujt e bardhë me kryqin e
Shën Gjergjit që valëviten nga dritaret.
2 Rast i artë për të shijuar futbollin pa dëgjuar këngët “10
bombardues gjermanë”, apo, edhe më keq: “Më mirë të jem
pakistanez se sa turk”.
3 S’ka më “Wags” (gratë dhe të dashurat). Megjithatë, herën
e fundit u paraqitën më mirë se skuadra.
4 S’do ketë më nevojë për të prenotuar vendin në pub që dy
ditë para, apo të shkosh në dyqanin e lagjes e të gjesh në
rafte vetëm sidër me përqindje të ulët alkooli.
5 Mund të shohësh televizor rehat, pa t’u shurdhuar veshët
nga zhurma e madhe që zakonisht shoqëron Anglinë në turnetë
ndërkombëtarë.
6 S’ka shanse të eksitohesh në maksimum gjatë fazës në grupe,
para eliminimit të pashmangshëm në çerekfinale. Anglia ka qenë
skuadër çerekfinalesh, por tani nuk është më aq e mirë.
7 Skocia, Uellsi dhe dy Irlandat nuk kanë bërë më mirë dhe të
paktën Anglia nuk është më keq se Norvegjia, tifozët e së
cilës janë parë në turnetë e fundit me bluza ku shkruhej:
“Sigurisht që jemi m... Jemi norvegjezë”. Pikërisht për të
ndaluar këtë paguhet 5 milionë sterlina Fabio Kapelo.
8 Nuk do ketë gjuajtje penalltish. Gjynah, se ndoshta
Xhon Terri do ta kishte korrigjuar shënjestrën.
Por, nuk do të dëgjojmë më as diskutimin nëse
mund të luajnë në të njëjtën mesfushë Stiven Xherard
dhe Frank Lampard.

Motivimi ynë janë vetëm tifozët
Portieri i Kombëtares së Italisë dhe një nga pikat më të
forta të ekipit, Xhanluixhi Bufon, është i gatshëm për të
dhënë maksimumin e tij dhe për të kërkuar triumfin në
Euro 2008. “Të gjithë jemi gati për të dhënë më të mirën
tonë në një kompeticion të tillë. Nuk do të jetë aspak e
lehtë, por jemi të bindur që nuk do të zhgënjejmë. Ne luajmë
për tifozët tanë, të cilët na shikojnë si diçka shumë të
rëndësishme. Edhe unë kur kam qenë i vogël, i shikoja
lojtarët e kombëtares si diçka të shenjtë dhe prisja maksimumin.
Nuk duhet të bëjmë hapa falsë dhe nuk do të bëjmë
të tillë”, tha portieri i Kombëtares së Italisë dhe i skuadrës
së Juventusit, Xhanluixhi Bufon.

Matjë Flamini vë nën rrezik Patrik Vieiran
Sipas informacioneve, Patrik Vieira mund
të mos luajë për Francën në kampionatin evropian
që pritet të fillojë pas pesë ditësh në Austri e Zvicër. Lojtari
i Interit ka pasur një tërheqje të fortë muskulore në
pulpën e majtë, ditën e premte dhe me gjithë trajtimet e shumta
fizioterapike, stafi mjekësor nuk jep një përgjigje të prerë
nëse veterani i bluve do të luajë apo jo. Nga ana tjetër, edhe
pse nuk është dhënë një përgjigje përfundimtare nga
ana e mjekëve, Domenek ka thirrur në ekip Matjë Flamininë,
duke gjetur në këtë mënyrë zëvendësuesin e mesfushorit.
“Nuk e dimë se çfarë mund të ndodhë deri më datë 8. Ndaj,
për t’i paraprirë çdo të papriture kemi në dispozicion
Flamininë. Gjithsesi, do të presim edhe ca, për të vendosur
më pas nëse do të jetë Flamini apo Vieira lojtari i 23-
të. Është një situatë e vështirë për mua dhe ajo që mund të
them është se Vieira nuk do të jetë në ndeshjen e parë ndaj
Rumanisë”, ka bërë të ditur tekniku. Ditën e djeshme me
ekipin u stërvit edhe blerja e re e Milanit, Flamini, i cili është
dukur i qetë për grumbullimin e tij. “Jam i qetë. Natyrisht nuk
mund të them se jam i lumtur, pasi diskutohet dëmtimi i një
lojtari të madh të skuadrës sonë, por dua të them se do të
jem në stërvitje deri më 8 qershor, pastaj do të shoh se çfarë
do të ndodhë”, u shpreh Flamini. Edhe pse i dëmtuar,
kapiteni i bluve ishte i pranishëm në drekën speciale të
ditës së djeshme, kur ekipin e vizitoi Presidenti i Republikës,
Nikola Sarkozi. Pak momente pas largimit të tij, në kështjellën
ku është akomoduar kombëtarja franceze, mbërritën
edhe familjarët e lojtarëve, të cilët do të jenë pranë yjeve
deri ditën e mërkurë, në orën 18:00, kur skuadra do të fluturojë
drejt Zvicrës për t’u akomoduar. “Ishte ideja origjinale
e trajnerit, i cili vendosi që momentet e fundit përpara
fillimit të kampionatit t’i ndajmë me të afërmit tanë, - thotë
Floran Maluda. - Unë për vete jam shumë i kënaqur me këtë,
sepse do të kem mundësinë të shoh tre fëmijët e mi përpara
nisjes. Është një ide mjaft e mirë, pasi në këtë mënyrë do të
nxjerrim mallin me familjarët tanë dhe kur të shkojmë në
Zvicër do të jemi të tërësisht të përqendruar tek ndeshjet”.

Franca do të kryesojë “grupin e ferrit”
Sipas trajnerit francez të Arsenalit, Arsen Venger, “gjelat” do të
kryesojnë “grupin e ferrit”, pas tyre do të vijë Italia, në vend të
tretë Holanda, duke lënë kështu në fund ekipin ballkanas, Rumaninë.
Venger beson se treshja fantastike e Francës Benzema-
Hanri-Riberi do t’i japin trofeun prestigjioz ekipit të Domenekut.
“Më duhet ta pranoj se nuk kam qenë kurrë më parë kaq
entuziast sa tani për Kombëtaren e Francës. Nëse treshja Riberi,
Benzema, Hanri do të përqendrohen ashtu si duhet, besoj se në
çdo ndeshje Franca do të shënojë tre gola që në pjesën e parë.
Nuk e vë në dyshim se Tierri Hanri do të bëjë paraqitje të mirë në
këtë kompeticion, edhe pse këtë sezon nuk ka qenë në formën e
tij optimale. Më vjen keq që Vieira u dëmtua sërish dhe kësaj
radhe kur kanë mbetur vetëm pak ditë nga fillimi i kampionatit, por
gjithsesi jam i bindur se ai i kalon me lehtësi problemet dhe shpresoj
tek një riaftësim i shpejtë i tij. Mbaj mend se kur luante tek Arsenali,
ai kthehej në fushën e lojës edhe atëherë kur mjeku i skuadrës
nuk e kishte parashikuar. Ndërsa përsa i përket takimit final,
them se do të jetë Franca dhe njëra midis Gjermanisë e Spanjës,
pasi mendoj se janë në formë të mirë dhe kanë një lojë kolektive
të organizuar siç duhet”, deklaroi Venger.

Të ardhmen do ta tregojmë që në grup
Trajneri i Kombëtares së Kroacisë, Sllaven Biliç, i kërkoi përkushtim
maksimal lojtarëve të tij, pasi nëse nuk tregojnë formë të mirë që
në ndeshjet e para, atëherë aventura e evropianit për ta do të
përfundojë, edhe pse deri në këtë moment treguan paraqitje
bindëse, madje duke i mohuar Anglisë pjesëmarrjen në këtë kompeticion.
Pas miqësores së fituar 1-0 ndaj Moldavisë dhe barazimit
1-1 me Hungarinë, tekniku Biliç duket paksa i tensionuar.
“Tre nga lojtarët tanë më të mirë duhet të jenë në formën e tyre
optimale në këtë turne dhe pjesa tjetër e grupit të përpiqet të japë
maksimumin e mundshëm, nëse duhet të mendojmë për të kaluar
fazën e grupit. Nuk mund të kapim çerekfinalen pa dhënë më të
mirën që në ndeshjet në grup. Në këto ndeshje dua që tre
‘magjistarët’ tanë, Modriç, Kranjçar e Petriç, të bëjnë mrekullira
në fushën e lojës. Janë sulmuesit më të mirë që ka pasur ndonjëherë
Kroacia, por do ta ndjejmë edhe mungesën e Eduardo da
Silvës që na ndihmoi shumë në fazën e eliminatorëve”, tha Biliç.

Do triumfojmë me futboll të bukur
Mesfushori i Kombëtares së Holandës, Rafael van der
Vart, jo vetëm është shprehur tepër entuziast për
skuadrën e tij, por ai ka deklaruar se ajo do të fitojë,
madje duke luajtur një futboll të bukur, ndryshe nga mjaft
ekipe të tjera. “Gëzojmë një formë shumë të mirë dhe
skuadra jonë është mjaft e fortë. Jo vetëm që do të fitojmë
ndaj skuadrave si Italia, Franca e Rumania, por do ta
bëjmë një gjë të tillë duke zhvilluar një lojë të bukur.
Holanda e ka bërë gjithnjë këtë dhe do të vazhdojë ta
bëjë, ndërkohë që duhet theksuar se më i rëndësishëm,
pa diskutim, është suksesi. Një rrugë e gjatë na pret
përpara, megjithatë jam i bindur se do t’ia dalim me sukses”,
– deklaroi mesfushori i “tulipanëve”, Van der Vart.

Jemi pretendentë për titullin Evropian
Mesfushori i kombëtares së Spanjës, Ksabi Alonso, ka deklaruar
se ekipi ka forcën e duhur për të kërkuar titullin evropian.
“Ne jemi një grup me futbollistë të shkëlqyer, të cilët
luajnë me skuadra prestigjioze në Evropë dhe së bashku
bëjnë një ekip me të vërtetë të fortë. Ndaj, duhet të japim më
të mirën për tifozët tanë, në mënyrë që t’i shpërblejmë me
titullin evropian. Unë mendoj se jemi një prej ekipeve favorite,
prandaj duhet të japim maksimumin për të triumfuar”, –
nënvizoi Ksabi Alonso, i cili kohët e fundit ka qenë në qendër
të zërave të merkatos.

“Rally Albania 2008”, edhe përtej kufijve
Federata Shqiptare e Motorsportit, si në çdo qershor,
edhe këtë vit organizon garën e saj të radhës “4X4 Rally
Albania 2008”. Në edicionin e katërt të kësaj gare, e cila
është futur tashmë në kalendarin ballkanik të aktiviteteve
automobilistike, rrugëtimi zgjat edhe më shumë, shkon
përtej kufijve, në Kosovë. Duke shënuar kështu të parin
aktivitet mbarëkombëtar midis Shqipërisë dhe Kosovës. Kjo
mund të konsiderohet dhe si një garë ndërkombëtare, pasi
në të marrin pjesë pilotë jo vetëm nga Shqipëria e Kosova,
por edhe nga Bullgaria, Maqedonia, Greqia, Bosnja, Italia
dhe Finlanda. Gara është e tipit Rally Raid. Gjatësia e garës
do të jetë 1000 km, nga të cilat 450 km janë etapa speciale.
Itinerari që do të ndjekin pilotët nga data 3 deri më 7 qershor
është: Tiranë-Shkodër-Prishtinë-Prizren-Korçë- Durrës.
Do të jenë rreth 50 mjete 4X4 dhe 50 MottoCross dhe
Quad. Më interesante në këtë garë është se në të gjitha qendrat
e qyteteve ku do të ndalojë gara, do të ndërtohen Parc
Ferme, ku do të parkohen mjetet e garës dhe ato të asistencës.
Edicioni i katërt ka startuar programin ditën e
djeshme me grumbullimin e makinave në sheshin “Skënderbe”
dhe me ceremoninë e hapjes së garës. Fillimisht konkurrentët
e “4X4 Rally Albania 2008” do të lënë Parc Ferme
në orën 09:30 për t’iu drejtuar pikës së startit. Pas dy orësh
pjesëmarrësit do ta nisin aventurën e qershorit nga Bovilla
për ta mbyllur në mesditë në Velipojë.

Lajme Sportive Nderkombetare 5

2008-06-04T03:05:00.000-07:00

Altintop, gati me Portugalinë
Hamit Altintop do të jetë gati për ndeshjen hapëse të Turqisë në
Euro 2008 kundër Portugalisë, të shtunën, në Grupin A, pavarësisht
një dëmtimi të frikshëm. “Po përgatitem për ndeshjen”, u shpreh
Altintop në një konferencë për shtyp në bazën stërvitore pranë
Gjenevës. Mesfushori 25-vjeçar u kthye të luajë në miqësoren
kundër Uruguait më datë 25 maj, pas një mungese dymujore si pasojë
e thyerjes së kockës në njërën këmbë. Klubi i tij, Bajerni i Mynihut,
kishte bërë të ditur të shtunën se lojtari pësoi një tërheqje gjatë stërvitjes
dhe se mund të humbiste takimin e parë ndaj Portugalisë.

Çeh do ‘çmim’ ngushëllues
Portieri i Republikës Çeke, Petr Çeh, është gati të lërë pas krahëve zhgënjimin
që pësoi në finalen e Ligës së Kampioneve për t’u përqendruar
në finalet e Evropianit. Çelsi ishte vetëm një penallti larg trofeut më
datë 21 maj. “Në Moskë pësova një zhgënjim, pasi ishim shumë
pranë fitimit të trofeut të Ligës së Kampioneve. Për mua fakti që më
pret një tjetër turne është një avantazh, sepse mund të përqendrohem
te finalet e Evropianit. Kjo do të më ndihmojë që të përballoj zhgënjimin.
Kemi një ekip të mirë dhe mund të arrijmë çerekfinalet, që
janë qëllimi ynë. Më pas të shohim se deri ku mund të shkojmë”.

Nikopolidis: Jo nën presion
Portieri titullar i Greqisë, Antonis Nikopolidis, deklaroi të martën se
skuadra helene nuk ndihet nën presion para nisjes së fushatës
për të mbrojtur kurorën e kampionëve të Evropës. Ylli i Olimpiakosit,
i cili shkëlqeu në Euro 2004, tha se ka një arsye të fortë për
dy rezultatet e fundit zhgënjyese para finaleve të Euro 2008, barazimi
0-0 me Armeninë dhe humbja 3-2 me Hungarinë. “Nuk jemi
nën presion, kemi ardhur për të dhënë më të mirën tonë”, - tha
Nikopolidis. Kishte shumë lojtarë të rinj në miqësoret e fundit. Greqia
do t’i luajë ndeshjet e Grupit D në Salzburg.

Hidink beson te Pogrebniak
Trajneri i Rusisë, Gus Hidink, tha të martën se ai kishte vendosur të
mbante në skuadër për finalet e Euro 2008 sulmuesin e dëmtuar,
Pavel Pogrebniak, duke injoruar këshillat e mjekëve. “Paveli është
duke punuar fort me fizioterapistin e skuadrës, - tha Hidink për
mediat. – Unë besoj se ai ka shanse për t’u rikuperuar dhe për
të luajtur në këto finale. Edhe pse do të humbasë ndeshjen e parë
ndaj Spanjës, unë nuk kam ndërmend të thërras lojtar tjetër për ta
zëvendësuar, - shtoi Hidink. – Jam shumë i kënaqur me punën e bërë
nga lojtarët gjatë fazës përgatitore në Gjermani”.

Ende në dilemë për portierin
Trajneri i Austrisë, Jozef Hickersberger, tha të martën se një
nga portierët e pafat austriakë që do të mësojë të mërkurën se
nuk do të jetë numri 1 i Kombëtares në finale, duhet të
mësojë nga rasti i Oliver Kahnit. Hickersberger është i detyruar
të zgjedhë njërin mes Aleksandër Manningerit dhe Juergen Macho
si portierin titullar, në atë që ai e quajti si vendimin “më të sikletshëm”,
vetëm tri ditë para startit të turneut. “Portieri që do të qëndrojë
në pankinë duhet të marrë Oliver Kahnin si shembull”, theksoi
trajneri, duke risjellë në mendje “betejën” për numrin 1 të Gjermanisë
para finaleve të Botërorit 2006. “Dy vite më parë, humanizmi
i Kahnit ishte me të vërtetë për t’u admiruar, për nga mënyra
se si ai reagoi pasi mësoi nga trajneri Jurgen Klinsman se Jens
Lehmani do të ishte portieri titullar”, shtoi ai.

Kampingu holandez
Përfaqësuesja e Holandës është akomoduar në “Beau
Rivage Palace”, një nga hotelet më të mira në Evropë,
buzë liqenit të Gjenevës, me një panoramë
spektakolare të alpeve franceze përtej ujit. Është
bërë traditë që kombëtarja holandeze të stacionohet
në Lozanë para një kompeticioni të përmasave të
mëdha. Gjithsesi, për trajnerin Marko Van Basten, kjo
do të jetë hera e fundit, pasi në përfundim të finaleve
të Euro 2008, ai do të transferohet te klubi i Ajaksit.

Iniesta përfundon në spital
Mesfushori i Spanjës, Andres Iniesta, përfundoi në spital të martën,
pasi pati probleme me stomakun si pasojë e helmimit. Ylli i Barcelonës
nuk do të luajë të mërkurën në miqësoren e fundit para finaleve
ndaj SHBA-së në Santander, sipas doktorit të skuadrës Horge
Kandel. “Bëmë disa analiza, - tha Kandel. – Iniesta ka pësuar një
helmim nga ushqimi që ka marrë të dielën e kaluar. Sot (dje) ai bëri
disa kura dhe është duke u rikuperuar. Nëse gjithçka shkon mirë, do
të vijë në Santander. Iniesta filloi të villte e të ndjente dhimbje të forta
në stomak të hënën dhe kishte të gjitha simptomat e helmimit. I bëmë
disa analiza në një klinikë dhe gjithçka u vërtetua”. Spanja do t’i nisë
finalet me ndeshjen ndaj Rusisë më datë 10 qershor.

Ronaldo rikthehet në stërvitje
Superstari i Portugalisë, Kristiano Ronaldo, është stërvitur normalisht
me pjesën tjetër të grupit të martën, një ditë pasi kishte marrë një
goditje të frikshme në kaviljen e këmbës së djathtë. Prezenca e
sulmuesit të Mançester Junajtid në stërvitje ka qenë një lajm i mirë
për trajnerin e finalistëve të Euro 2004, Luiz Felipe Skolari, kur kanë
mbetur vetëm katër ditë nga ndeshja e parë ndaj Turqisë në Gjenevë.
Ronaldo, i cili shënoi 41 gola në të gjitha kompeticionet për Mançesterin
sezonin e fundit, ku “djajtë e kuq” fituan titullin kampion në Angli
dhe Ligën e Kampioneve, luajti në ndeshjen stërvitore në një ekip me
Dekon dhe veteranin Nuno Gomez. Takimi në fjalë u ndoq nga 12 mijë
vetë, që kishin paguar secili nga 16 franga zvicerane.

Tifozët, edhe dhëmbët portokalli
Në Holandë, ethet “portokalli” po rriten gjithnjë
e më shumë. Jo vetëm rrugët, dyqanet,
makinat po ngjyrosen portokalli, por tani
edhe dhëmbët e tifozëve vendës. Në fakt,
një klinikë dentare në Amsterdam, “Dental
Pars”, në bashkëpunim me laboratorin odontoteknik
“Tooth Fashion”, ka zhvilluar një
teknikë të re, nëpërmjet së cilës vendoset
mbi dhëmbë një shtresë e hollë, shpesh një
milimetër, me material termoplastik. Për më
pak se 15 minuta mund t’i kesh dhëmbët të
ngjyrosur me portokalli. “Është një teknikë e
thjeshtë, mjafton të marrësh masën e dhëmbëve,
të bësh një model në allçi dhe të modelosh
sipër saj këtë material special në ngjyrë
portokalli dhe ja ku u bë”, tregon odontotekniku
Yuri Tjon-A-Joe (31 vjeç), i cili ka pasur
këtë ide për të mbështetur tifozerinë holandeze.
“Materiali në fjalë vendoset dhe hiqet
sipas dëshirës, mund të pihet birrë qetësisht
teksa sheh ndeshjen, por është mirë që të
mos konsumohet ushqim me të në dhëmbë,
pasi nuk është higjienike. Ka nga ata klientë
që flenë me materialin e vendosur mbi dhëmbë.
Materiali është rezistues dhe mund të
zgjasë për shume vite”.

Balak, lider njësoj si Oliver Kahn
Një komb i tërë beson te mesfushori 31-vjeçar Mikael Balak.
Ai është kapiteni dhe koka e skuadrës së Joakim Lëvit, gjë të
cilën e vërtetoi më së miri në ndeshjen e fundit miqësore kundër
Serbisë. Shokët e skuadrës e krahasojnë mesfushorin e Çelsit
si udhëheqësin e vetëm të përfaqësueses. “Mikael Balak është
një udhëheqës në fushën e lojës njësoj si Oliver Kahn, duke
filluar që nga paraqitja e deri te dëshira për të fituar. Ai na
motivon gjatë gjithë kohës dhe është një kapiten model”, kështu
është shprehur sulmuesi 22-vjeçar, Lukas Podolski, për
Balak. I të njëjtit mendim është edhe shoku i tij te Bajerni i
Mynihut, Marsel Jansen. “Si Oliver Kahn dhe Mikael Balak
kanë një gjë të përbashkët: ata duan të fitojnë me çdo kusht.
“Balak, lider njësoj si Oliver Kahn”
Gjithnjë. Për ata ka vlerë vetëm vendi i parë”, theksoi mbrojtësi
21-vjeçar, Jansen. Në gusht të vitit 2004, Mikael Balak ka marrë
shiritin e kapitenit pikërisht nga Oliver Kahn me urdhrin e
trajnerit të asaj kohe, Jurgen Klinsman. Ndeshja e parë për të
me këtë shirit ka qenë ajo e zhvilluar në Vjenë kundër Austrisë,
dhe po aty ai kërkon të ngrejë edhe kupën më 29 qershor
me Kombëtaren gjermane. Bashkë me mesfushorin e Verder
Bremenit, Torsten Frings, 31-vjeçari Balak formon dyshen e
mesit të fushës në ekipin përfaqësues. “Bashkëpunimi me
Balak në mesfushë është mjaft i suksesshëm. Tek ne nuk bëhet
fjalë se kush do bjerë më tepër në sy, pasi ne jemi të fokusuar te
suksesi i skuadrës”, deklaroi Frings.

Dua trofeun e kampionit në evropian
Për herë të parë trajneri i Kombëtares gjermane, Joakim
Lëv, është shprehur haptazi se kërkon të fitojë titullin
kampion Evrope me skuadrën e tij. Kjo do të ishte diçka
historike për të, pasi do ishte titulli i tij i parë që në
turneun e tij të parë, që do të renditej përkrah trajnerëve
kampion bote, Franc Bekenbauer dhe Helmut Shën.
“Pse duhet të mbetemi të kënaqur me vendin e dytë,
kur kemi mundësi të arrijmë më të mirën?”, është
shprehur trajneri i përfaqësueses gjermane, Joakim Lëv,
gjatë një konference për shtyp. Kjo deklaratë e Lëvit
nuk vjen pa u menduar, pasi statistikat i japin mjaft të
drejtë trajnerit, i cili në 22 ndeshje në krye të ekipit
kombëtar ka humbur vetëm dy të tilla. Përveç kësaj,
Kombëtarja e Gjermanisë ishte e para që siguroi kualifikimin
për në ndeshjet e kampionatit evropian tri
javë përpara. Vetëm ish-trajneri Jup Derval ka pasur
një koeficient më të mirë përpara një turneu të tillë, ku
në 15 ndeshje përpara evropianit të 1980 nuk humbi
asnjë. Më vonë, Derval u shpall kampion Evrope. Të
njëjtën gjë synon edhe Joakim Lëv.

Dua të jem shënuesi më i mirë i Evropianit
Legjenda e futbollit
francez, Tierri Hanri,
i cili është golashënuesi
më i mirë në historinë
e futbollit francez, ka deklaruar
ditën e djeshme se do të synojë
të bëhet edhe shënuesi më i
mirë i Evropianit. Në ndeshjen
e djeshme miqësore ndaj
Kolumbisë, ish-sulmuesi i Arsenalit
arriti pjesëmarrjen e tij
të 100-të me “gjelat”, dhe ndodhet
në vend të gjashtë përsa i
përket aktivizimit me kombëtaren,
pasi vendin e parë e
mban Lilian Turam që ka luajtur
në 139 ndeshje. Në këto 100
takime, Hanri ka realizuar 44
gola, ndërkohë që pas tij renditet
Mishel Platini me 41, i ndjekur
nga Trezege (34) dhe
Zidan (31). “Ekipi është në një
formë të mirë dhe këtë e kemi
treguar qartë në ndeshjet e fundit
që kemi zhvilluar, ku edhe
pse nuk kemi arritur rezultatin
e kërkuar, kemi bindur me lojën
tonë. Ajo që më jep më shumë
besim për një sukses në Evropianin
e këtij viti, është se kemi
një sulm që kombinohet në
mënyrën perfekte. Loja me
Riberinë dhe Benzemanë është
tepër e kombinuar dhe besoj se
do të shënojmë lehtësisht në
portat e kundërshtarëve. Por
përveç arritjes të një suksesi me
kombëtaren në Austri dhe
Zvicër, do të përpiqem për një
sukses personal. Kam si qëllim
të fitoj “Këpucën e Artë” të Evropianit.
Edhe pse jam shënuesi
më i mirë i Kombëtares
franceze, nuk kam arritur të fitoj
ndonjë çmim, ndaj dua që
shifrave të mia t’u jepet vlera
e merituar”, tha për median
franceze, Tierri Hanri.

Çekia do të jetë surpriza e Evropianit
Huande Ramos beson se favoritë për fitimin e kampionatit
evropian janë sërish të njëjtët, por mendon gjithashtu,
se mund të ketë ndonjë kombëtare surprizë që
mund të fitojë, ashtu si bëri Greqia para katër vitesh. Trajneri
spanjoll i Totenhemit është i bindur se, Kombëtarja
çeke do të bëjë surprizën këtë vit, duke pasur avantazhin
e mungesës së presionit, gjë që i karakterizon kombëtaret
e mëdha. “Italia, Gjermania, Franca dhe Spanja janë gjithmonë
favoritë për titullin, por mua më pëlqen shumë ekipi
i Republikës Çeke, i cili edhe pse mund të mos kenë
emra të mëdhenj në përbërje, përsëri ka lojtarë shumë cilësorë
që zhvillojnë një lojë kolektive - citonte Ramos në
faqja e tij e internetit. - Ata kombinojnë në mënyrë të përsosur
me njëri-tjetrin dhe besoj se ky është kyçi i suksesit
për kompeticione afatshkurtra si Evropiani”.

Kombëtarja vendos të përdorë kuzhinën turke
Ekipi i Kombëtares rumune do të shkojë në Evropianin
e Austrisë dhe Zvicrës duke marrë me vete një kuzhinier
turk që do të servirë për ta kuzhinën tradicionale turke.
Turku Jalan Kadir, është zgjedhur para një jave nga Federata
Rumune e Futbollit si shefi i kuzhinës, i cili do të
përgatitë pjatat më të mira për futbollistët, të cilët do të
luajnë në “Grupin e Vdekjes”. Burime nga federata thanë
se një ndër gjellët kryesore për rumunët e futbollit do të
jetë çorba, që dallohet për thartinë që i jep limoni, ose
salca e specit. “Ushqimi i tij është tepër i shijshëm. Më
pëlqejnë të gjitha recetat që ai përgatit. Janë shumë të
shijshme dhe të pasura”, tha zyrtari i federatës, Dan Bragoanu.
Mbase ky është sekreti pse legjenda të futbollit
rumun, si Xhorxh Haxhi dhe Mirsea Lusesku pjesën më
të madhe të karrierës së tyre e luajtën në Turqi.

Jemi më të mirë se Holanda dhe Italia
Kristian Kivu i ka vënë vetes detyrë që këtë radhë të
udhëheqë kombëtaren e tij drejt suksesit në EURO 2008. Rumania
mungoi në Evropianin e para katër viteve, pasi u eliminua
nga Italia në fazën e ndeshjeve eliminatore, dhe për fatin e
saj të keq, në finalet e Austrisë dhe Zvicrës do të ketë sërish
përballë ekipin italian. Gjithsesi, kryesimi i grupit në ndeshjet
eliminatore, duke lënë poshtë edhe Holandën, si dhe njohja e
futbollit italian, e bind mbrojtësin e Interit dhe Rumanisë, Kristian
Kivu, se kombëtarja e tij do ta kalojë me sukses grupin.
“Po bëhen shumë kohë që nuk kemi marrë pjesë në një kampionat
të këtyre përmasave, por kjo nuk do të na pengojë për të
kaluar grupin - tha Kivu pas stërvitjes së tij të parë në Zvicër, në
stadiumin e “St. Gallenit”. - Jemi një skuadër e re, e cila shkëlqeu
në ndeshjet kualifikuese, ndaj do ta nisim pa frikë aventurën e
Evropianit. Lojën e futbollit italian e njohin mirë një pjesë e
madhe e kombëtares sonë, pasi luajmë në kampionatin e atij
vendi ndaj besoj se nuk do ta kemi të vështirë për të kuptuar
skemat e tyre”, deklaroi Kivu. Lajmet për mospjesëmarrjen e Kanavaros
për Italinë dhe të Vieirasë për Francën në këtë kompeticion
janë parë si lajme ët mira për kombëtaren e Piturkës, por Kivu
është shprehur me keqardhje për këtë fakt. “Më vjen keq për çdo
futbollist që do të humbasë një moment të shumëpritur”.

Kemi me kë ta zëvendësojmë Fabion
Ndonëse ka humbur “një pjesë” të rëndësishme të kombëtares,
Roberto Donadoni nuk mund të bëjë asgjë tjetër
veçse të vazhdojë të shohë përpara me optimizëm.
Ndërkohë, shiriti i kapitenit, që deri dy ditë më parë i
takonte padyshim Fabo Kanavaros, do t’i kalojë
mbrojtësit ekstrem të të ‘kaltërve’ dhe të Juventusit,
Xhianluixhi Bufon. Trajneri i kombëtares së kampionëve
të botës, nuk kërkon ta bëjë një dramë dëmtimin e pësuar
te “galaktikat”, por nga ana tjetër i ka kërkuar atij që të
vazhdojë të jetë pjesë e grupit italian, pasi eksperienca e tij
e madhe në turne të tilla, por edhe serioziteti i tij prej
kapiteni mund të jetë një ndihmë më shumë për shokët e
skuadrës: “Ndonëse do të operohet këto ditë, Kanavaro
do të vazhdojë të ndjekë nga afër shokët e tij të skuadrës.
Besoj se tashmë, do të jetë pikërisht ai, tifozi dhe nxitësi
më i madh i këtij grupi. Zëvendësuesi? Kemi një organikë
shumë kompetitive. Pavarësisht se të gjithë i njohim
cilësitë e shkëlqyera të Fabios, mbrojtësit e tjerë të
përzgjedhur për këtë aventurë gëzojnë cilësitë për të
mbuluar me sukses vendin e lënë bosh nga kapiteni ynë.
Ne jemi Itali dhe kemi një histori për të mbrojtur. Sigurisht
që na duhet diçka më e madhe se një dëmtim për të na
ulur moralin dhe besimin në forcat tona”, deklaron trajneri
i Kombëtares italiane, Roberto Donadoni.

Mbrojtësi, në lot pas incidentit
Pas përplasjes dhe shoqërimit në spital të Fabio Kanavaros,
Xhorxho Kielini nuk i ka frenuar dot lotët, i ndërgjegjshëm për
dëmin e shkaktuar, ndonëse jo me
qëllim. Jo vetëm në momentin e incidentit,
por edhe në ditën e djeshme,
mbrojtësi juventin shfaqte qartë zhgënjimin
për episodin e ndodhur. Ashtu
siç vetë Fabio Kanavaro i ka
shpjeguar atij, se faji i këtij incidenti nuk
ka qenë i tiji, edhe shokët e tjerë të
skuadrës, duke përfshirë këtu edhe
mikun e tij më të ngushtë dhe kapitenin
aktual të italianëve, Xhianluixhi Bufon,
kanë shprehur të njëjtën gjë. “E di që
shpeshherë jam agresiv në fushë, por në këtë rast nuk e
kuptoj ende pse duhet të ndodhte diçka e tillë”, shprehet i
përlotur kundrejt shokëve të tij, Xhiorxhio Kielini.

Platini: Humbje e madhe për Italinë
Dëmtimi i kapitenit të kampionëve të botës, ishte një humbje e
madhe për formacionin e Roberto Donadonit. I të njëjtin mendim
ka qenë edhe kreu i Federatës së
Futbollit Evropian (UEFA-s), Mishel Platini.
“Është diçka shumë e rëndë të
humbasësh një lojtar si Kanavaro për
një kompeticion të tillë. Ndër vite ai ka
qenë një lojtar shumë i rëndësishëm
për këtë kombëtare, por gjithashtu
edhe për klubet në të cilat është aktivizuar,
jo më kot, vitin e kaluar është
zgjedhur si lojtari më i mirë në botë.
Nga ana tjetër, përsa i përket Kielinit,
mendoj se ky episod mund t’i kushtojë
shtrenjtë atij nga ana morale, por një si lojtar profesionist,
duhet t’i japë forca vetes, pasi nëse italianët duan trofeun
evropian, duhet të mbështeten edhe tek ai”.

Mund të vendos rekord të ri 9.60 sekonda
Asafa Pauell i ka bërë një sfidë të re sprinterit xhamajkan,
Usain Bolt, i cili të dielën ka vendosur një rekord
të ri në 100-metërsh, 9.72 sekonda. “Unë e di se
mund të vrapoj dhe të arrij në 9.60 sekonda”, ka
deklaruar atleti tjetër xhamajkan, i cili pavarësisht
sfidës së bërë, nuk i ka kursyer komplimentet për
bashkëkombësin e tij. “Unë jam shumë i lumtur për të.
Bolt është mjaft i talentuar dhe ka punuar shumë për
të arritur gjer këtu. E ka merituar rekordin”. Usain
Bolt, në pistën e Nju Jorkut ka lënë pas kampionin e
botës, Taison Gei, i cili është renditur i dyti me 9"85.
Tani Bolt shpreson të marrë pjesë në Lojërat e Pekinit,
për të fituar aty një medalje të artë, të cilën e
dëshiron më shumë se gjithçka. “Fitorja në këtë ngjarje
të madhe nuk mund të krahasohet me asgjë
tjetër”, ka thënë ai pas garës së të dielës.

Lajme Sportive Nderkombetare 4

2008-05-29T13:26:00.000-07:00

Grupi D

GREQIA

PORTIERË: Antonis Nikopolidis (Olimpiakos),
Kostas Çalkias (Aris), Aleksandros Tzorvas (OFI)
MBROJTËS: Giurkas Seitaridis (Atletiko
Madrid), Kristos Patsatzoglou (Olimpiakos),
Nikos Spiropulos (Panathinaikos), Traianos
Dellas (AEK), Lukas Vintra (Panathinaikos),
Vasilis Torosidis (Olimpiakos), Sotiris Kirgiakos
(E.Frankfurt), Janis Gumas (Panathinaikos),
Paraskevas Antzas (Olimpiakos)
MESFUSHORË: Angelos Basinas (Majorka),
Stelios Janakopulos (Bolton), Georgios
Karagunis (Panathinaikos), Kostas Katsuranis
(Benfika), Aleksandros Tziolis (Panathinaikos)
SULMUES: Giorgios Samaras (Selltik), Angelos
Karisteas (Nuremberg), Dimitris Salpigidis
(Panathinaikos), Fanis Gekas (Leverkusen), Janis
Amanatidis (E.Frankfurt), Nikos Liberopulos (AEK)

RUSIA

PORTIERË: Igor Akinfev (CSKA Moska),
Vladimir Gabulov (Perm), Viaçeslav Malafev
(Zenit St.Petersburg)
MBROJTËS: Aleksander Aniukov (Zenit),
Aleksei Berezutsi, Vasili Berezurski, Sergei
Ignasheviç (CSKA Moska), Denis Kolodin (Dinamo
Moska), Renat Janbajev (Lokomotiv Moska)
MESFUSHË: Dinijar Biljaletdinov, Dmitri
Torbinski (Lokomotiv Moska), Vladimir Bistrov
(Spartak Moska), Juri Zhirkov (CSKA Moska),
Konstantin Zirianov, Roman Shirokov (Zenit
St.Petersburg), Igor Semshov (Dinamo
Moska), Sergei Semak (Kazan)
SULMUES: Roman Adamov (FC Moska), Roman
Pavljuçenko (S. Moska), Pavel Pogrebniak,
Andrei Arshavin (Zenit), Dimitri Siçev (Lokomotiv
Moska), Ivan Saenko (Nuremberg)

SPANJA

PORTIERË: Iker Casiljas (Real Madrid),
Pepe Reina (Liverpul), Andres Palop (Sevilja)
MBROJTËS: Serxhio Ramos (Real Madrid),
Karles Pujol (Barcelona), Joan Kapdevila
(Vilareal), Raul Albiol (Valencia), Karlos
Marçena (Valencia), Fernando Navarro
(Majorka), Alvaro Arbeloa (Liverpul),
Huanito (Betis)
MESFUSHORË: Cesk Fabregas (Arsenal),
Andres Iniesta (Barcelona), Ksavi
(Barcelona), David Silva (Valencia), Santi
Kazorla (Vilareal), Markos Sena (Vilareal),
Ksabi Alonso (Liverpul),
Ruben de la Red (Getafe)
SULMUES: David Vija (Valencia),
Daniel Guiza (Majorka), Serxhio Garsia
(Saragoza), Fernando Torres (Liverpul).

SUEDIA

PORTIERË: Andreas Isakson (Man. Siti), Rami
Shaban (Hamarbi), Johan Viland (Elfsborg).
MBROJTËS: Mikael Dorsin (CFR Kluj), Peter
Hanson (Rene), Daniel Majstorovic (Bazel),
Olof Melberg (Aston Vila), Mikael Nilson
(Panathinaikos), Andreas Grankvist (Vigan),
Fredrik Stor (Rozenborg).
MESFUSHORË: Niklas Aleksanderson (IFK
Goteborg), Daniel Anderson (Malmo), Kim
Kallstrom (Lion), Sebastian Larson (Birmingem),
Fredrik Ljungberg (Uest Hem), Tobias Linderot
(Gallatasaraj), Kristian Vilhelmson (Deportivo
La Korunja), Anders Svensson (Elfsborg).
SULMUES: Markus Alback (FC Kobenhagen),
Henrik Larson (Helsingborg), Johan Elmander
(Tuluzë), Zlatan Ibrahimoviç (Inter), Markus
Rosenberg (Verder Bremen).

Lajme Sportive Nderkombetare 3

2008-05-29T13:21:00.000-07:00

Grupi C

FRANCA

PORTIERË: Gregori Kupe (Lion), Sebastien
Frej (Fiorentina), Stiv Mandanda (Marsejë)
MBROJTËS: Erik Abidal (Barcelona),
Patris Evra (Mançester J.), Uilliam Gallas
(Arsenal), Vili Sanjol (Bajern Mynih), Lilian
Turam (Barcelona), Fransua Klerk (Lion),
Sebastien Skilaçi (Lion), Zhan-Alen
Boumsong (Lion)
MESFUSHORË: Lasana Diarra
(Portsmuth), Klod Makelele (Çelsi),
Xheremi Tulalan (Lion), Patrik Vieira
(Inter), Frenk Riberi (Bajern Mynih),
Samir Nasri (Marsejë)
SULMUES: Nikolas Anelka (Çelsi), Tierri
Hanri (Barcelona), Florent Maluda (Çelsi),
Karim Benzema (Lion), Sidnej Govu (Lion),
Bafetimbi Gomis (St. Etien).

ITALIA

PORTIERË: Xhianluixhi Bufon (Juventus),
Marko Amelia (Livorno),
Morgan De Sanktis (Sevilja)
MBROJTËS: Kristian Panuçi (Roma),
Fabio Kanavaro (Real Madrid), Andrea
Barzali (Palermo), Marko Materaci (Inter),
Fabio Groso (Lion), Xhianluka Zambrota
(Barcelona), Xhiorxhio Kielini (Juventus)
MESFUSHORË: Rino Gatuzo, Andrea Pirlo,
Masimo Ambrozini (Milan), Daniele De Rosi,
Simone Perrota, Alberto Akuilani (Roma),
Mauro Kamoranezi (Juventus)
SULMUES: Luka Toni (Bajern Mynih),
Marko Borrielo (Xhenoa), Antonio Di Natale,
Fabio Kualiarela (Udineze),
Alesandro Del Piero (Juventus),
Antonio Kasano (Sampdoria)

HOLLANDA

PORTIERË: Edvin van der Sar (Mançester J.),
Marten Stekelenburg (Ajax), Henk Timer
(Fejenord);
MBROJTËS: Vilfred Bouma (Aston Vila), Tim
de Cler (Fejenord), Xhon Heitinga (Ajaks), Joris
Matijsen (Hamburg), Mario Melkiot (Vigan),
Andre Oijer (Blekbërn)
MESFUSHORË: Ibrahim Afellaj (PSV),
Xhiovanni van Bronkhorst (Fejenord), Orlando
Engelar (Tvente), Naixhel de Jong (Hamburg),
Uesli Shnajder (Real Madrid), Rafal van der
Vart, (Hamburg), Demi de Zeuv (AZ Alkmar);
SULMUES: Rajan Babel (Liverpul), Klas Jan
Huntelar (Ajaks), Dirk Kajt (Liverpul), Rud van
Nistelroj (Real Madrid), Robin van Persi
(Arsenal), Arjen Roben (Real Madrid), Jan
Venegor of Heselink (Seltik).

RUMANIA

PORTIERË: Bogdan Lobont (Dinamo
Bukuresht), Marius Popa (Poli Timisoara),
Eduard Stancioiu (CFR Cluj)
MBROJTËS: Kosmin Kontra (Getafe), Gabriel
Tamas (Okserr), Dorin Goian (Steaua Bukuresht),
Kristian Kivu (Inter), Razvan Rat Shakhtjor
Donetsk), Sorin Ghionea (Steaua Bukuresht),
Kristian Sapunaru (Rapid Bukuresht), Stefan
Radu (Lacio), Kosmin Moti (Dinamo Bukuresht)
MESFUSHORË: Florentin Petre (CSKA Sofia),
Razvan Kokis (Lokomotiv Moska), Mirel Radoi
(Steaua B.), Nikolae Dika (Steaua B.), Paul
Kodrea (Siena), Banel Nikolita (Steaua B.),
Adrian Kristea (Dinamo Bukuresht)
SULMUES: Adrian Mutu (Fiorentina),
Ciprian Marika (Shtutgart), Daniel Nikulae
(Okserr), Marius Nikulae (Invernes).

Lajme Sportive Nderkombetare 2

2008-05-29T13:00:00.000-07:00

Grupi B

AUSTRIA

PORTIERË: Aleksander Maninger (Siena), Jurgen
Maço (AEK), Ramazan Ozkan (Hofenhaim);
MBROJTËS: Giorgi Gariks (Napoli), Ronald
Gërçalliu (Austria Viena), Martin Hiden (Austria
Karnten), Markus Katzer (Rapid Viena), Jurgen
Patoçka (Rapid Viena), Emanuel Pogatetz
(Midëllsbrou), Sebastian Prodl (Shturm Graz),
Martin Stranzl (Spartak Moska);
MESFUSHORË: Rene Aufhauser (Salsburg),
Kristian Fuks (Matersburg), Andreas Ivanshitz
(Panathinaikos), Umit Korkmaz (Rapid Viena),
Kristof Leitgeb (Salsburg), Jurgen Saumel
(Shturm Graz), Joakim Standfest (Austria
Viena), Ivica Vastic (LASK)
SULMUES: Ervin Hofer (Rapid Viena), Roman
Kienast (Ham-Kam), Roland Linz (Braga), Martin
Harnik (Verder Bremen).

KROACIA

PORTIERË: Stipe Pletikosa (Spartak
Moska), Mario Galinoviç (Panathinaikos),
Vedran Runje (Lens)
MBROJTËS: Dario Simiç (Milan), Josip
Simuniç (Herta Berlin), Robert Kovaç (B.
Dortmund), Vedran Korluka (Man. Siti), Hrvoje
Vejiç (Tomsk), Dario Knezeviç (Livorno)
MESFUSHORË: Ivan Rakitiç (Shalke), Onjen
Vukojeviç (D. Bukuresht), Niko Kovaç
(Salzburg), Darijo Srna (Shahtjor Donetsk),
Nikola Pokrivaç (Monako), Luka Modriç
(Totenhem), Jerko Leko (Monako), Niko Kranjcar
(Portsmuth), Danijel Pranjiç (Herenven)
SULMUES: Nikola Kaliniç (Hajduk Split),
Ivan Klasniç (Verder Bremen), Ivica Oliç
(Hamburg), Igor Budan (Parma),
Mladen Petriç (B. Dortmund)

GJERMANIA

PORTIERË: Jens Lehman (Arsenal), Robert
Enke (Hanover), Rene Adler (Leverkusen)
MBROJTËS: Arne Fridrih (Herta), Klemens
Fritz (Verder), Marsel Jansen (Bajern Mynih),
Filip Lahm (Bajern Mynih), Per Mertesaker
(Verder), Kristof Metzelder (Real Madrid),
Heiko Vesterman (Shalke)
MESFUSHORË: Mikael Balak (Çelsi), Tim
Borovski (Verder), Torsten Frings (Verder),
Thomas Hitzlsperger (Shtutgart), David
Odonkor (Betis), Simon Rolfes (Leverkusen),
Bastian Shvainshtaiger (Bajern Mynih), Piotr
Troçovski (Hamburg)
SULMUES: Mario Gomez (Shtutgart),
Miroslav Klose (Bajern Mynih), Kevin Kuranji
(Shalke), Oliver Noivill (B. Mënsheglabah),
Lukas Podolski (Bajern Mynih)

POLONIA

PORTIERË: Artur Boruk (Sëlltik), Tomaz Kuzzak
(Mançester J.), Lukaz Fabianski (Arsenal)
MBROJTËS: Marius Xhop (FC Moska), Jakub
Vavërziniak (L. Varashavë), Pavel Golanski (Steaua
Bukuresht), Darius Dudka (Visla Krakova), Jacek
Bak (Austria Vienë), Marsin Vasilevski (Anderleht),
Mihal Zevlakov (Olimpiakos), Mihal Pazdan (G.
Zabrze), Adam Kokozka (V. Krakova)
MESFUSHORË: Euzebiuz Smolarek (Santander),
Jacek Kërzinovek (Volfsburg), Lukaz Gargula (GKS
Belshatov), Jakub Blazikovski (B. Dortmund),
Vojçieh Lobodzinski (V. Krakova), Marius
Levandovski (Sh. Donetsk), Rafal Muravski (Lek
Poznan), Roxher Guerreiro (L. Varshavë)
SULMUES: Maciej Zuravski (Larisa),
Marek Saganovski (Sauthempton),
Tomas Zahorski (G. Zabrze)

Lajme Sportive Nderkombetare 1

2008-05-29T12:53:00.000-07:00

Formacionet e ekipeve te evropianit 2008
Grupi A

ÇEKIA

PORTIERË: Jaromir Blazek (Nurenberg),
Petr Çeh (Çelsi), Daniel Zitka (Anderleht)
MBROJTËS: Zdenek Grigera (Juventus),
Marek Jankulovski (Milan), Mikal Kadlec
(Sparta Pragë), Radoslav Kovac (Spartak
Moska), Zdenek Pospek (Kopenhagen),
David Rozehnal (Lacio), Tomas Sivok (Sparta
Pragë), Tomas Ujfalushi (Fiorentina);
MESFUSHORË: Tomas Galashek
(Nurenberg), David Jarolim (Hamburg),
Marek Matejovski (Riding), Jaroslav Plasil
(Osasuna), Jan Polak (Anderleht), Libor
Sionko (Kopenhagen), Rudolf Skacel (Herta
Berlin), Stanislav Vlcek (Anderleht);
SULMUES: Milan Barosh (Portsmuth), Martin
Fenin (E. Frankfurt), Jan Koler (Nurenberg),
Vaclav Sverkos (Ostrava).

PORTUGALIA

PORTIERË: Kim (Benfika), Rikardo (Betis),
Rui Patrisio (Sporting Lisbona);
MBROJTËS: Bruno Alvesh (Porto),
Bosingva (Porto), Fernando Meira
(Shtutgart), Horge Ribeiro (Boavista), Pepe
(Real Madrid), Migel (Valencia), Paulo
Ferreira (Çelsi), Rikardo Karvajo (Çelsi);
MESFUSHORË: Deko (Barcelona), Petit
(Benfika), Raul Meireles (Porto), Zhoao
Mutinjo (Sporting Lisbona), Migel Veloso
(Sporting Lisbona)
SULMUES: Kristiano Ronaldo
(Mançester J.), Nani (Mançester J.),
Hugo Almeida (Verder Bremen), Helder
Postiga (Panathinaikos), Nunjo Gomesh
(Benfika), Rikardo Kuaresma (Porto),
Simao (Atletiko Madrid).

ZVICRA

PORTIERË: Diego Benalio (Volfsburg), Eldin
Jakupoviç (Grashopper), Paskal Zuberbuhler
(Ksamaks)
MBROJTËS: Filip Degen (B. Dortmund), Johan
Xhoru (Arsenal), Stefan Grihting (Okserr),
Stefan Lihtshteiner (Lilë), Ludovik Manjin
(Shtutgart), Patrikk Myler (Lion), Filip Senderos
(Arsenal), Kristof Spiker (E. Frankfurt)
MESFUSHORË: Trankuilo Barneta (Bajer
Leverkusen), Valon Behrami (Lacio), Rikardo
Kabanas (Grashoper), Gelson Fernandes
(Mançester Siti), Daniel Gigaks (Metz),
Benxhamin Hagel (Bazel), Gokhan Inler
(Udineze), Johan Vonlanten (Salzburg)
SULMUES: Eren Derdijok (Bazel), Aleksander
Frai (Borusia Dortmund), Marko Shtreler
(Bazel), Hakan Jakin (Yang Bojs).

TURQIA

PORTIERË: Volkan Demirel (Fenerbahce),
Rushtu Rekber (Beshiktash),
Tolga Zengin (Trabzonspor)
MBROJTËS: Ugur Boral (Fenerbahçe),
Sabri Sarioglu, Servet Çetin, Hakan Kadir
Balta, Emre Gungor (Gallatasaraj), Gokhan
Zan (Beshiktas), Emre Asik (Ankaraspor)
MESFUSHORË: Mehmet Aurelio,
Kazim Kazim (Fenerbahçe), Mehmet Topal,
Ajhan Akman, Arda Turan (Gallatasaraj),
Emre Belozoglu (Njukaasëll), Tumer Metin
(Larisa), Hamit Altintop (Bajern Mynih),
Tunkaj Sanli (Midëllsbrou)
SULMUES: Gokdeniz Karadeniz
(Rubin Kazan), Nihat Kahveci (Vilareal),
Semih Senturk (Fenerbahce),
Mevlut Erding (Sosho).